Genesisi 16:7 - Bhiblia Yo Sawuleka

⁷ Ngelozi ya Mkoma yi to mana Hagari a di hafuhi ni txisima txi txi ku txiwulani, txisima txi txi ku hafuhi ni nzila ya kuya Suri,

Genesisi 16:7 Referans Kwoze

Eksodha 15:22

Msana keto, Mosi a mahile ti to va ka Israyeli va txi khukha hafuhi ka Linene lo Bhilivila, ve humela kuya txiwulani ka Suri; se va to tsimbila masiku mararu txiwulani, aniko kha va mana mati.

Genesisi 25:18

Vanana va Ismayeli va ti ti akile hagari ka Hevhila ni Suri, ngu diphambo da wutxani ka Egipta, ka nzila yi yiyako Asuri.

Genesisi 21:17

Txizimu txi to engisa kudila ka mwanana, se Ngelozi ya Txizimu, yi di nzumani, yi to dhana Hagari yi txi kha yona: “Njitxani u ku natxo awe Hagari kani? U nga thave, nguko Txizimu txi engisile kudila ka mwanana, txi di ka wukhalo wa txona.

Mavingu 15:3

Maso a Mkoma ma wona ka otshe makhalo, ma wonetela vabihi ni vavanene.

1 Samuwele 15:7

Sekoko Sawule a to xula Vaamaleki, kukhukhela Havhila kala kuya hoka Suri, ku nga rendekelana ni Egipta.

Genesisi 31:11

Ngelozi ya Txizimu yi ni gete ngu mloro yi txi kha yona: “Jakobe!” Se ani ni xamute ni txi khani: “Ni ho hawa!”

Genesisi 22:15

Sekoko ngu nzumani yi to kwangula ka wumbidi Ngelozi ya Mkoma ka Abrahamu

Genesisi 22:11

Aniko ngu nzumani yi to kwangula Ngelozi ya Mkoma yi txi kha yona: “Abrahamu! Abrahamu!” Ene a to orovela, a txi khene: “Ni ho hawa!”

Genesisi 20:1

Abrahamu a to khukha konaho e tsula ditikoni ka Negebhe, a txi ya aka hagari ka Kadhesi ni Suri. Ene a to ya luvela ditikoni ka Gerara.

Genesisi 21:18

Khukha u txi ya teka txifanyana, u txi ñoleta ngu dianza dako, nguko ani ni na tumbulukisa ngu ka txona, ditiko da hombe.”

Genesisi 21:19

Txizimu txi to tula maso a Hagari, se ene e wona txisima txa mati. A to ya reka mati e tata txibhembe, a txi ya ninga txifanyana txi sela.

Genesisi 24:7

Mkoma, Txizimu txa nzuma, awu a nga ni teka nyumbani ka tate wangu ditikoni mu ni nga velekelwa kona, awu a nga ni gela ngu kuxambanya a txi khene: Ni na ningela ditiko diya ka liveleko lako, ene a na ruma ngelozi yakwe masoni kwako, se u na ya lowolela kheyo msikati mwanana wangu.

Eksodha 3:2

Ngelozi ya Mkoma yi to woneka ka Mosi ngu mu ka m'dhikila wa mndilo, hagari ka txipopo. Mosi a to txi wonisisa, e wona ti to txipopo txa tura ngu mndilo, kambe txipopo kha txi gumi ngu kuhya.