Genesisi 16:6 - Bhiblia Yo Sawuleka

⁶ Abramu a to womba ka Sarayi, a txi khene: “Wona, txithumi txako txi manzani kwako. Maha ka txona nga ti u ti lavisako tona.” Sarayi a to khata ku mahela tshofu Hagari, ahawa ka kuza Hagari e thava masoni kwakwe.

Genesisi 16:6 Referans Kwoze

Jeremiya 38:5

Mfumeli Zedhekiya a to xamula a txi khene: Hi nga wonani, ene a manzani kwanu, nguko mfumeli kha sikoti ku mlambela txilo.

1 Pedro 3:7

Kufana ni toneto, na nanu vavamna, hanyani ngu kuengisana ni vasikati vanu, mi txi zumba navo ngu txithavo, nga siya sa kwa mbi tsana, mi txi va xonipha kambe, ngukuva i di vadyi kuloni va thomba ya kateko, yi yi ningako wutomi, kasi ku mikombelo yanu yi si tsivelwi ngu txilo.

Ekleziyaste 10:4

Ngako mfumeli atxi ku henyela, u nga leke wukhalo wako, nguko txitumelelano mrende wo malata sionho sa hombe.

Mavingu 29:19

Txithumi kha txi na mbi laywa ngu mapswi, nguko hambi i ti txo engisa kha txi na mbi pfisisa.

Mavingu 27:8

M'thu wu a ku kule ni m'tini kwakwe, a fana ni txinyana txo maneka kule ni txisaka txa txona.

Mavingu 15:1

Kuxamula ko ti veka hahatshi ka releta kuhenya, kambe mapswi o nemela ma wusa kuhenya.

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Jobe 2:6

Se Mkoma a to khene ka Sathani: Ndiyoyo a manzani kwako; aniko veketa wutomi wakwe.

Eksodha 2:15

Faro a di engisile mhakeyo, a to ruma ti to Mosi a txi ñolwa kasi ku e m'daya. Aniko Mosi a to thava masoni ka Faro, e tsula ditikoni ka Midhiyani, amu a nga ya zumba hafuhi ni txisima.

Genesisi 24:10

Txithumi txi to teka digumi da makamelu ka mtxhambi wa makamelu a nyamne wa txona, se txi txi teka simaha ka sotshe sa sinene, asi nyamne wakwe a nga ti naso manzani kwakwe; txi tsula naso Mesopotamiya, ka didhoropa da Nahori.

Genesisi 16:9

Sekoko Ngelozi ya Mkoma yi m'gete yi txi kha yona: “Tshumela u txi ya ka nyamne wako, u txi ya mthumela ngu kutiveka hahatshi.”

Joxuwa 9:25

Se konkuwa wona taku hi manzani kwako, maha ti u ti wonako i di ta tinene kwako, na ti di lulamile ku u txi hi maha.”