Genesisi 16:5 - Bhiblia Yo Sawuleka

⁵ Sekoko Sarayi a to khene ka Abramu: “Awe ngawe u fanelako kuwona mhaka ya kuruketelwa kwangu. Ni vekile txithumi txangu mawokoni kwako, se kukhukhela kuwa a nga wona ti to ana ni txirumbu, ani kha ni nga wa txilo masoni kwakwe. Txizimu txi na hi lamule ka mhaka yangu ni nawe!”

Genesisi 16:5 Referans Kwoze

Genesisi 31:53

Txizimu txa Abrahamu, Txizimu txa Nakori, Txizimu txa lihunzu la mmweyo wawe, txi na mahe mlamuli hagari kwathu.” Se Jakobe a to xambanya ngu Txizimu txi txi khozelwako ngu Isaake, tate wakwe.

Eksodha 5:21

Va to va gela va txi kha vona: “Mkoma a na mi wonisise a txi mi thethisa! Nguko mi hi mahete dibava masoni ka Faro ni masoni ka sithumi sakwe, mi vekile ditxhari manzani kwawe kasi va txi hi daya ngu dona!”

Masalmo 35:23

Vhumuka u wuka uya kulamulwani kwangu, kasi kuya ni emela, Txizimu txangu ni Mkoma wangu!

Masalmo 7:8

Mkoma, ngawe u lamulako vathu. Ni lamule, Mkoma, madingano ni fanelo yangu ni lamule madingano ni hawa ni ku si nga ni mnandu, awe Nyatxitimwi.

2 Makronika 24:22

Mfumeli Jowasi kha khumbula wunene awule mphaxeli Joyadha, tate wa Zakariya a nga mmahela wona. A to m'dayela mwanana wakwe, awule mbimo yile a nga ti lava kufa a nga khene: Mkoma, wona a ti va ti mahako, wu va tshumetela!

Masalmo 43:1

Ni lamulele, Txizimu txangu; u txi ni lwela ka vathu va vo biha, va kwa mbi na wukhongeli! Ni hulukise ka vathu va makuhu, vo kanganyisa.

Genesisi 16:4

Abramu a to amukela Hagari e zivana nayo, se Hagari e mana txirumbu. Mbimo yi Hagari a nga wona ti to ana ni txirumbu, a to khata kuwona nyamne wakwe Sarayi ngu maso a txieyiso.

Valamuli 11:27

Ngu mhaka ya eto, ani kha na kuonhela, aniko awe ngawe u ni vhukako ngu ku ni xomela matxhari, u txi lava kulwa ni nani; Mkoma i ku mlamuli a na lamula nyamsi hagari ka vanana va ka Israyeli ni vanana va ka Amoni.

Jeremiya 51:35

Mihumbo yo nga yi yi nga mahwa kwangu ni ka vathu vangu, yi nata txitimwi ka Bhabhilona, a na womba wule a zumbako Siyoni, kambe mnoha wangu wu na thekele txitimwi ka vazumbi va Kaldheya, womba awe Jerusalema.

1 Samuwele 24:16

Se ku to maheka ti to a di hetile Dhavhidha kuwombawomba ni Sawule otshe mapswi awa, Sawule a to khene: Ina dipswi dako diya mwanangu Dhavhidha kani? Sekoko Sawule a to guleta dipswi e dila.