Genesisi 16:3 - Bhiblia Yo Sawuleka

³ Sekoko Sarayi msikati wa Abramu, a to teka Hagari, txithumi txakwe txa Muegipta, e txi ningela ka mwamna wakwe Abramu, eva msikati wakwe.

Genesisi 16:3 Referans Kwoze

Genesisi 16:5

Sekoko Sarayi a to khene ka Abramu: “Awe ngawe u fanelako kuwona mhaka ya kuruketelwa kwangu. Ni vekile txithumi txangu mawokoni kwako, se kukhukhela kuwa a nga wona ti to ana ni txirumbu, ani kha ni nga wa txilo masoni kwakwe. Txizimu txi na hi lamule ka mhaka yangu ni nawe!”

Vagalatiya 4:25

Se Hagari i mmango wa Sinayi, ditikoni ka Arabhiya; ene njifananiso txa Jerusalema wa konkuwa, a manekako wukhumbini kumweko ni vanana vakwe.

1 Vafumeli 11:3

A ti ti ni 700 wa vasikati, ni 300 wa sigango; se vasikativo vakwe va to m'dya mbilu.

2 Samuwele 5:13

Se Dhavhidha a to teka kambe sigango ni vasikati va Jerusalema, msana ka kuva a di wuyile ngu Hebroni; va to velekela kambe Dhavhidha vanana va mazambi ni mahorana.

Genesisi 35:22

Nga ti Israyeli a nga va a di akile ka dona ditiko edo, Rubheni a to otela ni Bhiliha, i nga ti txikaba txa tate wakwe, kambe Israyeli a ti zivile. Se vanana va Jakobe, i ti ti digumi ni vambidi.

Genesisi 32:22

Ka wonewo wusiku, ene a to wuka e teka vasikati vakwe va vambidi, sithumi sakwe sa simbidi, ni vanana vakwe va digumi ni mmweyo, e tshawunyeta mlonga wa mnambo wa Jabhoke.

Genesisi 30:9

Leya, ngu kuwona ti to a emile, khaswi a txi veleka, a to teka Zilpa, txithumi txakwe, e txi ningela ka mwamna wakwe Jakobe, kasi ku e maha msikati wakwe.

Genesisi 30:4

Ti di ngeto, ene a to mninga Bhiliha txithumi txakwe, a txi va msikati wakwe. Se Jakobe a to mteka.

Genesisi 28:9

A to tsula ka Ismayeli, eya teka Mahalati, mwanana wa muhorana wa Ismayeli, mwana Abrahamu, i ku ndiya ya Nabhayoti, a txi maha msikati wakwe, hahanze ka vale a nga ti navo ngu kale.

Genesisi 25:6

A ningile simaha sokari ka vanana va sikaba sakwe, a txi ngadi e hanya, a to va hambanisa ni mwanana wakwe Isaake, a txi va rumela ka ditiko da wutxani.

Genesisi 16:4

Abramu a to amukela Hagari e zivana nayo, se Hagari e mana txirumbu. Mbimo yi Hagari a nga wona ti to ana ni txirumbu, a to khata kuwona nyamne wakwe Sarayi ngu maso a txieyiso.

Genesisi 16:16

Abramu a ti ni mtxhanu wa magumi ni magumi mararu a malembe, ni mtxhanu wa malembe ni dimwedo, mbimo yi Hagari a nga veleka mwanana wakwe Ismayeli.

Genesisi 21:21

Ene a to zumba txiwulani ka Parani, se mame wakwe a to mtekela msikati wa ditikoni ka Egipta.