Genesisi 16:2 - Bhiblia Yo Sawuleka

² Sarayi a to womba ka Abramu, a txi khene: “Wona, Mkoma kha ni ninga ti to ni kuvelekela vanana. Ngu mhaka yeto, teka txithumi txiya txangu txa wamsikati; mwendo ni na mana mwanana ngu ka txona. Se Abramu a to tumela dipswi da Sarayi.”

Genesisi 16:2 Referans Kwoze

Eksodha 21:4

Aniko ngako nyamne i di ene a nga mninga msikati, ni kungako a txi mana vanana vavafana ni vamahorana, wamsikati ni vanana i thomba ya nyamne wakwe, se ene a na huma ekha a txi tsula.

Genesisi 18:10

Mmweyo wawe a to khene: “Ni na wuya kambe kwako dilembe di di tako, ngu yona yiya mbimo, se msikati wako Sara a na va a di ni mwanana wa dizambi.” Sara a ti ti engisela a di ha txikeni ka ditenda, ngu msana ka Abrahamu.

Genesisi 3:17

Se ka Adhamu, Txizimu txi ti kha txona: Ngako u nga engisa dipswi da msikati wako, u txi dya muhando wa mndonga wule ni nga ku gela ku khani: U nga dye muhando wa mndonga wuwa, ngu mhaka yako, ma ruketetwe mafu. U na dya mihando ya wona ngu kuxupheka otshe masiku a kuhanya kwako.

Masalmo 127:3

Vanana i thomba ya kuningwa ngu Mkoma Txizimu, liveleko i kateko ya ditshuri.

Rute 4:11

Se votshe vathu vale va nga ti ti ha banza, ni madhota, va to kha vona: Hi tifakazi; Mkoma a na mahe ti to awu wamsikati a wulelako nyumbani kwako, a txi fanana ni Rakeli ni Leya, avale ngu wumbidi wawe va nga aka nyumba ya ka Israyeli; kateka ngutu amu ditikoni ka Efrata, u txi maha wa ditina da nduma amu Bhetlehema.

Genesisi 30:22

Txizimu txi to alakanya Rakeli, txi mu engisile, txi mninga fanelo yo veleka vanana.

Genesisi 25:21

Isaake a to khongela ka Mkoma, a txi kombelela mkatakwe Rebheka, nguko i ti txifule. Mkoma a engisile mkombelo wa Isaake, se Rebheka a to mana txirumbu.

Genesisi 20:18

nguko Txizimu txi ti va mahile sifule votshe vavasikati va ha m'tini ka Abhimeleki, ngu mhaka ya Sara, msikati wa Abrahamu.

Genesisi 17:16

Ani ni na mkatekisa, kambe ngu ngene ni na kuninga mwanana wa dizambi, ani ni na mkatekisa ene a na va mame wa mifumo, ngu kwakwe ku na huma vafumeli va vathu.”

Genesisi 3:12

Sekoko Adhamu a to khene: “Msikati wu u nga ni ninga ti to e zumba ni nani, ngene a nga ni ninga sa mndonga wule, se nidya.”

Genesisi 30:6

Sekoko Rakeli a to khene: “Txizimu txi ni lamute, txona txi ni engisile, txi txi ni ninga mwanana wa m'zambi.” Ngu mhaka yeto, a mrayile ditina daku i Dhani.

Genesisi 19:31

Sekoko dihorana da matiwula di to womba ka mnanda wa dona, di txi kha dona: “Tate wathu a kumbile, ditikoni muwa kha ku nga ni dijaha di sikotako kutekana ni nathu, nga ti i ku mkhuwo wa dotshe ditiko.

Genesisi 11:30

Kambe Sarayi i ti ti txifule, ati si nga ni vanana.