Genesisi 16:11 - Bhiblia Yo Sawuleka

¹¹ Ngelozi ya Mkoma, yi to kha yona kambe kwakwe: “U ni txirumbu, se u na veleka mwanana wa mfana, u mraya ditina daku i Ismayeli, nguko Mkoma a engisile kuxupheka kwako.

Genesisi 16:11 Referans Kwoze

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

1 Samuwele 1:20

Se ku to maheka taku, ku di pindile mbimo yokari, Ana a to mana txirumbu, e veleka mwanana wa mfana, e mraya ditina daku i Samuwele, nguko ene a ti ti khene: Ni mkombete ka Mkoma.

Genesisi 17:19

Txizimu txi to mxamula txi txi kha tona: “Ahim-him msikati wako Sara ngene a no kuvelekela mwanana wa mfana, se awe u na mraya ditina daku i Isaake, ni na emisa Txitumelelano nayo, atxi txi no va Txitumelelano txo mbi guma, kasiku ni va Txizimu txakwe, ni txa lotshe liveleko lakwe, msana kwakwe.”

Luka 1:63

Ene a to kombela txileti a txi bhala ku khene: “Ditina dakwe i Johani.” Votshe va to xamala.

Jobe 38:41

I mani a ningaho magwana sakudya, mbimo yile sisondo sa ona si dilako ka Txizimu, si txi peperukela ngu kupwata sakudya kani?

Eksodha 3:9

Konkuwa, huwa ya vanana va ka Israyeli yi hokile kwangu, se kambe ni wona sixaniso si Vaegipta va va xuphako ngu sona.

Luka 1:31

U na mana txirumbu, u txi veleka Mwanana wa m'zambi, awu u no m'raya ditina daku i Jesu;

Luka 1:13

Aniko ngelozi yi m'gete, yi txi kha yona: “U nga thave, Zakariya, mkombelo wako wu engisilwe. Izabheli msikati wako, a na kuvelekela mwanana wa m'zambi, awu u no m'raya ditina da Johani.

Masalmo 22:24

Nguko ene kha soli, kambe kha nyenyi kuxaniseka ka sisiwana kambe kha si tshuraleli. Aniko wa si engisa mbimo yi si kombelako txivhuno.”

Genesisi 37:25

Ti di ngeto, va to khalahatsha va txi dya sakudya. Mbimo yi va nga gula maso, va to wona mtxawa wa va ka Ismayeli, va kuta ngu Gileyadhi; makamelu awe ma ti rwate mafura o bhumula, ni makha, ni mira, va txi ya naso Egipta.

Genesisi 21:17

Txizimu txi to engisa kudila ka mwanana, se Ngelozi ya Txizimu, yi di nzumani, yi to dhana Hagari yi txi kha yona: “Njitxani u ku natxo awe Hagari kani? U nga thave, nguko Txizimu txi engisile kudila ka mwanana, txi di ka wukhalo wa txona.