Genesisi 16:1 - Bhiblia Yo Sawuleka

¹ Sarayi, msikati wa Abramu, a ti sa nga m'velekela mwanana. Aniko a ti ni txithumi txa Muegipta, txi nga ti dhanwa ku i Hagari.

Genesisi 16:1 Referans Kwoze

Vagalatiya 4:24

Ahawa ku ni txidinganiso; vavasikati vava, kunene, nzitumelelano sa simbidi: Txitumelelano txo khata ngu txi txi khukhelako Sinayi; ngu txi txi velekako vanana va wukhumbi: I Hagari.

Genesisi 12:16

Ngu mhaka ya Sarayi, Faro a to amukela Abramu ngu manza mambidi. E mninga tinvuta, tihomu, timbongola ta vamatune, ni timbongola ta vamakati, sithumi sa mazambi, ni sa mahorana, ni makamelu.

Luka 1:36

Hambi dixaka dako Izabheli ana ni txirumbu nene, kukumbani kwakwe, se awuwa i mtxima wa wutxhanu ni wumwewo, kwakwe va nga ti mu womba ku njifule;

Luka 1:7

Va ti si nga ni vanana, nguko Izabheli i ti txifule, kambe ngu wumbidi wawe va ti kumbile.

Valamuli 13:2

Se Kambe ku ti ti ni wamwamna wokari ditikoni ka Zora, wa nyumba ya ka Dhani, ditina dakwe i ti ti Manowa; se msikati wakwe i ti ti txifule.

Genesisi 25:21

Isaake a to khongela ka Mkoma, a txi kombelela mkatakwe Rebheka, nguko i ti txifule. Mkoma a engisile mkombelo wa Isaake, se Rebheka a to mana txirumbu.

Genesisi 21:21

Ene a to zumba txiwulani ka Parani, se mame wakwe a to mtekela msikati wa ditikoni ka Egipta.

Genesisi 21:12

Aniko Txizimu txi to kha txona ka Abrahamu: “U nga pandiseke ngu mhaka ya mwanana wako, i mhaka ya txithumi txako: Awe maha totshe ti Sara a ku kombelako, nguko ka Isaake ku na huma liveleko li li no kulisa ditina dako.

Genesisi 11:30

Kambe Sarayi i ti ti txifule, ati si nga ni vanana.

Genesisi 15:21

Vaamori, Vakanana, Vagerezi ni Vajebhuzi.”

1 Samuwele 1:5

Kambe Ana a ti ti mninga didhawa da hombe, nguko ene a ti ti randa Ana, hambi ku Mkoma a nga ti m'vhate masembe.