Genesisi 15:9 - Bhiblia Yo Sawuleka

⁹ Mkoma a m'gete ku khene: “Ni tisele dirole da makati da malembe mararu, ni phongo ya malembe mararu, ni txihambana txa malembe mararu, ni dituva ni txituvani txatxidotho.”

Genesisi 15:9 Referans Kwoze

Luka 2:24

Va txi fanela kambe kuya ningela mhamba ya matuva mambidi mwendo mavhondo mambidi a situvani nga ti wu wombisako tona Mlayo wa Mkoma.

Levhi 14:30

Se a na maha mningelo ngu dituva, mwendo divhondo dimwedo da txituvani, nga ti a ti kotisako tona awule a basiswako.

Levhi 14:22

ni matuva mambidi mwendo mavhondo mambidi a situvani, nga ti a sikotisako tona, dimwedo nda mhamba ya txionho, dimwani nda mningelo wo hiswa.

Levhi 9:2

A to khene ka Aroni: Teka dirole, kasi kumaha ngu dona mhamba yo kuwula txionho, ni hamba yo maha mningelo wo hiswa, sihari siya ngu si so mbi na sibawa, u na si ningela ka Mkoma.

Levhi 3:6

Se ngako mningelo wa kuthutha ka Mkoma ngu txihari txa txidotho, ngu mhamba ya mpatano, wa sikota kumaha ngu txihari txa matune mwendo txa mkati, aniko txo mbi limala.

Levhi 3:1

Se ngako mningelo wakwe i di wa mhamb ya mpatano, ngu homu, wa sikota kuningela ka Mkoma matune mwendo mkati, aniko kulaveka i di so mbi na txibawa.

Levhi 1:14

Se ngako mningelo wakwe ka Mkoma i di wa sinyana so hiswa, kulaveka a txi wu maha ngu matuva, mwendo mavhondo a situvani.

Isaya 15:5

Mbilu yangu ya dila ngu mhaka ya Mowabhi; vahombe vawe va tutumile veya Zowari, kufana ni dirole da malembe mararu, nguko va dila va txi kwelela Luwiti, nguko, nzilani ka Horhonayi, va wusa kudila ka hombe ngutu.

Masalmo 50:5

“Tshanganisani votshe vale va thembekako, avale va nga maha txitumelelano ni nani va txi ni phaxela timhamba.”

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.

Levhi 9:4

kumweko ni homu ya matune ni hamba, sihari siya mi na si ningela ka Mkoma, ngu mhamba ya mpatano, ni wumwani mningelo wa mpupu, wo vhuwa ni mtona, nguko nyamsi, Mkoma a lava ku ti wonekelisa kwanu.

Levhi 1:10

Ngako m'thu a txi lava kumaha mningelo wa mhamba yo hiswa ngu txihari txatxidotho, nvuta mwendo phongo, njihari txa matune, txo mbi limala,

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Genesisi 22:13

Sekoko mbimo yile Abrahamu a nga gula maso, a to wona txihambana msana kwakwe, txi di khwekete ngu titxheho makhukhuni; Abrahamu a to ya teka txihambana txile, e txi ningela txi maha mhamba yo hiswa, txi txi tsiveta mwanana wakwe.

Genesisi 15:8

Se Abramu a to khene kwakwe: “Mkoma Txizimu, ni na ti zivisa kutxani ti to di na va ditiko dangu kani?”

Genesisi 15:10

Ene a to mtisela sotshe sihari siya, e si bhanda ngu hagari, e si veketela hafu ni hafu, si rendekelana. Kambe dituva ni txituvani kha si bhanda.

Levhi 12:6

Ngako ma di gumile masiku a kubasiswa kwakwe, ngu ku va a di velekile mwanana wa mfana mwendo wa muhorana, a na va a txi ya maha mningelo ka mphaxeli, ha txikeni ka ditenda da msengeletano, ngu txinvutana txa dilembe dimwedo, kasi kumaha mhamba yo hiswa, ni txituvani, ni dituva, kasi kumaha mhamba yo basisa txionho.

Ndando ya Tindando 2:12

Siluva sa humelela ditikoni, mbimo ya kuembelela ya hoka, se dipswi da dituva da pfala ditikoni kwathu.