Genesisi 15:7 - Bhiblia Yo Sawuleka

⁷ Mkoma a to khene ka Abramu: “Ani ni Mkoma wu a nga kuhumisa Uri ka Vakaldheya, kasi ku ni txi ku ninga ditiko diya, di maha thomba yako.”

Genesisi 15:7 Referans Kwoze

Genesisi 12:1

Sekoko Mkoma a to khene ka Abramu: “Rura ditikoni kwanu u leka maxaka ako ni nyumba ya vaveleki vako, u tsula ka ditiko di ni no kukomba.

Varoma 4:13

Kunene, i ti si nga mhaka ya Mlayo, txithembiso txi txi nga mahwa ka Abrahamu ni liveleko lakwe ti to a na maha m'dyi wa thomba ya mafu, aniko txi mahilwe ngu mhaka ya kululama ka kukholwa.

Masalmo 105:44

Txi va ningile ditiko di i nga ti da vamwani vathu ve dya mitxelo ya kudimwa ngu vamatiko,

Masalmo 105:42

Txizimu txi to alakanya mapswi a txona o sawuleka, awa txi nga xambanya ka Abrahamu msawulwa wa txona.

Masalmo 105:11

mbimo yi a nga womba a txi khene: “Ni na kuninga ditiko da Kanana, di maha thomba yi yi kulumbako.”

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Genesisi 28:4

Txizimu txi na ku ninge awe ni liveleko lako, kateko ya Abrahamu, kasiku u txi teka ditiko di u nga zumba ka dona, di maha dako, adi Txizimu txi nga ninga Abrahamu.”

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Dhewuteronome 9:5

Hi nga ngu mhaka ya kululama kwako, kambe hi nga ngu mhaka ya wunene wa mbilu yako, aku u ngaza u wulela, u teka ditiko dawe, aniko Mkoma a tutumisa matiko awa masoni kwako, ngu mhaka ya kubiha ka ona; ni ti to a maha tiya, kasi kutsanisa dipswi di ene a nga xambanya ka vatate vako, Abrahamu, Isaake, ni Jakobe.

Eksodha 32:13

Khumbula sithumi sako Abrahamu, Isaake ni Israyeli, avale u nga xambanya kwawe u txi khawe: Ni na andisa liveleko lanu li txi nga tinyeleti ta nzumani, kambe ni na ningela dotshe ditiko diya ka vanana vanu adile ni ngadi womba, kasi ku dimaha thomba yawe, kala kupinduka.”

Mitengo 33:53

se mi na honyola ditiko mi zumba ka dona; ngako ni nga mi ninga ditiko diya, kuva di mi lumba.

Dhewuteronome 3:18

Ka txonetxo txikhati ani ni mi ningile txileleto txiya: “Mkoma, Txizimu txanu, a mi ningile ditiko diya, ti to di txi va i di thomba yanu. Anu tindena, vavamna va mtamo, mi na tsimbila mi di xomile masoni ka vananu, i ku vanana va ka Israyeli.