Genesisi 15:3 - Bhiblia Yo Sawuleka

³ Abramu a to engeta, a txi khene: “Ngu ti to khwa ni ninga mwanana, se mwanana wule a no velekwa ha m'tini kwangu, ngene a no dya thomba yangu.”

Genesisi 15:3 Referans Kwoze

Genesisi 14:14

Mbimo yile a nga ziva ti to Loti, mwanana wa mnanda wakwe a ñotwe, a to tshanganisa 318 wa tindena, ka va a nga ti zumba navo, e va londeta kala Dhani.

Mavingu 29:21

Awule a fuyako txithumi txakwe ngu ku txi hena kukhukhela wananani ka txona, msana keto, txona txi na lava ku ti maha mwanana wakwe.

Ekleziyaste 2:7

Ni xava tikhumbi ta txiwamna ni ta txisikati, ni ve ni sithumi so velekelwa nyumbani kwangu; kambe ni ve ni tithomba tatingi ta tihomu ta mikati, ni tinvuta, kupinda votshe vale va nga maneka Jerusalema, ni sanzi ku va ho.

Jeremiya 12:1

Wa kululama ngutu ngawe, Mkoma, hambi ni txo kanetisana ni nawe; hambi keto, ni na bhula ni nawe ngu malamulelo ako. Ngu kutxani va kubiha ve humelela kani? Va kateka ngu kutxani votshe va va nga mbi thembeka kani?

Mavingu 30:23

ngu wamsikati wo vengelwa mbimo yi a txhadhako; hambi txithumi mbimo yi txi dyako thomba ya nyamne wa txona.

Mavingu 13:12

Kuverela ko swela ka karalisa mbilu, aniko kuhoka ka tile ti navelwako, mndonga wa wutomi.

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Genesisi 15:2

Sekoko Abramu a xamute, a txi khene: “Awe Mkoma Txizimu, u na ni ninga txani kani? Nguko ni konkuwa kha ninzi kuva ni mwanana, se awu a no dya thomba yangu i Eliyezeri wa Dhamasku.”