Genesisi 15:16 - Bhiblia Yo Sawuleka

¹⁶ Vanana va liveleko lako la wumune va na wuya kambe kona muwa, nguko konkuwa wubihi wa Vaamori kha wu se hoka magwito ka wona.”

Genesisi 15:16 Referans Kwoze

1 Vafumeli 21:26

Kambe a mahile kunyenyeza ka hombe, a txi londisela sithombe, nga ti va nga maha Vaamori, evo Mkoma a nga va tshotsha kule, masoni ka va ka Israyeli.

Dhaniyeli 8:23

Kambe magwito ka kufuma kwakwe, mbimo yi vaonhi va no heta kufuma, ku na huma mfumeli wa khohe yo thisa, wa wutxhari wo ziva ngutu kutxhamusela sihunja.

1 Vatesalonika 2:16

Va hi tsimbisela kutxhumayela Evhangeli yo hanyisa ka vamatiko. Se ngu toneto, va to tatisela sionho sawe si va nga si maha. Se konkuwa ngu kugwitisa, kuhenya ka Txizimu kuwite txitimwi kwawe.

Eksodha 12:40

Vanana va ka Israyeli va zumbile ditikoni ka Egipta mtengo wa 430 wa malembe.

Genesisi 15:13

Sekoko Mkoma a to womba tiya ka Abramu: “Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe.

Levhi 18:24

Mi nga ti bihiseni ngu kumahetela tona timhaketo, nguko va ti bihisile toneto vathu vale ni va tovelako masoni kwanu.

2 Vafumeli 21:11

Ngako Manasi, mfumeli wa ka Judha, a nga maha manyala yawa, kupinda hambi tile va nga mahisa tona Vaamori, avava va nga khata ve hoka hambi kona Judha a va onhisile ngu sithombe sakwe,

Genesisi 10:16

Kanana ngene tate wa Vajebhusi ni Vaamori, Vagirigasi,

Genesisi 48:21

Msana keto, Israyeli a wombile ka Josefa, a txi khene: Ani ni hafuhi ni kufa, kambe Txizimu txi na va ni nanu, txona txi na mi tshumeta mi tsula ditikoni ka vakokwani vanu.

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Eksodha 13:4

Anu ma huma nyamsi ka mtxima wa Abhibhi i ku wo khata, ka ditshiku da kuhuma kwanu ditikoni ka Egipta.

Dhewuteronome 9:4

Ngako koko Mkoma, Txizimu txako, a di va tutumisile masoni kwako, u nga wombe mbiluni kwako u txi khawe: “Mkoma a ni fumisile ka ditiko diya, ngu mhaka ya kululama kwangu,” nguko Mkoma a tutumisa matiko awa ngu mhaka ya kubiha ka ona.

Dhewuteronome 9:5

Hi nga ngu mhaka ya kululama kwako, kambe hi nga ngu mhaka ya wunene wa mbilu yako, aku u ngaza u wulela, u teka ditiko dawe, aniko Mkoma a tutumisa matiko awa masoni kwako, ngu mhaka ya kubiha ka ona; ni ti to a maha tiya, kasi kutsanisa dipswi di ene a nga xambanya ka vatate vako, Abrahamu, Isaake, ni Jakobe.

Masalmo 105:43

Se txi humisile vathu va txona va di tsakile vasawuleki va txona va txi peka mikulungwani.