Genesisi 15:14 - Bhiblia Yo Sawuleka

¹⁴ Aniko ni na tsayisa wukoma wa vathu va va no va va di va fumete, kambe ngu msana, vona va na huma ni tithomba ta hombe.

Genesisi 15:14 Referans Kwoze

1 Samuwele 12:8

Mbimo yile Jakobe a nga wulela Egipta, vatate vanu va to dila ka Mkoma, se Mkoma a to rumela Mosi ni Aroni, i ku vona va nga humisa vatate vanu Egipta ve ta va veka ka wukhalo wuwa.

Masalmo 135:14

Mkoma a na lamula vathu vakwe e pfela wusiwana sithumi sakwe.

Joxuwa 24:17

Mkoma ngene i ku Txizimu txathu, atxi txi nga hi humisa athu ni vatate vathu, ditikoni ka Egipta, nyumbani ka wukhumbi, atxi txi nga maha sotshe sidiwukiso sa hombe, asiya hi nga si wona ngu maso athu, atxi txi nga hi xayisa amu ka nzila yotshe yi hi nga yi tsimbila ni hagari ka vathu votshe vale hi nga pinda ngu ka vona.

Dhewuteronome 6:22

Se Mkoma a mahile sikombiso sa hombe ka Faro, ni ka yotshe nyumba yakwe, ni sixamaliso so thisa, hi txi si wona;

Dhewuteronome 4:20

Aniko, Mkoma a mi tekile e mi humisa ditikoni ka Egipta, ka txikho txa tisimbi, kasi ku miva vathu va mi kuthomba yakwe, ku nga ti nyamsi mi ti wonako.

Masalmo 135:9

a rumete sixamaliso ni sidiwukiso, hagari kwako awe Egipta kasi kutsayisa Faro ni sithumi sakwe.

Masalmo 51:4

Ni kuonhete, ngawe wekha ni nga kuonhela, ngu kumaha kubiha ku awe u ku nyenyako. Ngu mhaka yeto, u na ni fanelo ngako u txi ni lamula kambe ti lulamile ngako u txi ni abanisa.

Eksodha 3:10

Na kuruma, tsula ka Faro, u txi ya humisa vathu vangu, vanana va ka Israyeli, ditikoni ka Egipta.”

Masalmo 105:42

Txizimu txi to alakanya mapswi a txona o sawuleka, awa txi nga xambanya ka Abrahamu msawulwa wa txona.

Genesisi 48:21

Msana keto, Israyeli a wombile ka Josefa, a txi khene: Ani ni hafuhi ni kufa, kambe Txizimu txi na va ni nanu, txona txi na mi tshumeta mi tsula ditikoni ka vakokwani vanu.

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Eksodha 12:29

Hagari ka wusiku, Mkoma a to peka ngu lifo otshe matiwula mu tinyumbani, ka dotshe ditiko da Egipta, kukhukhela ka mwanana wa Faro, awu a nga ti ni fanelo yo khalahatsha ka txikhalo txakwe txa wukoma, kala ka matiwula a mwanana wa khumbi, yi yi nga ti mkorani, ni matiwula otshe a sihari.

Mithumo 7:7

Aniko ditiko di di nga va maha tikhumbi ni na di abanisa, kha Txizimu; se msana keto, va na huma va ta ni khozela ka wukhalo wuwa.’