Genesisi 15:13 - Bhiblia Yo Sawuleka

¹³ Sekoko Mkoma a to womba tiya ka Abramu: “Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe.

Genesisi 15:13 Referans Kwoze

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Mithumo 7:17

“Ngako yi nga ti hafuhi mbimo ya kutatiseka ka txithembiso txi Txizimu txi nga xambanyela Abrahamu, lixaka lathu li to kula ni kuanda Egipta,

Vagalatiya 3:17

Ati ni wombako ngu tiya: Txitumelelano txiya txi nga tsaniswa kale ngu Txizimu kha txi na kufuviswa ngu Mlayo, awu wu nga ta msana ka 450 wa malembe, ni txithembiso txa kona kha wu na ku txi fuvisa.

Levhi 19:34

Mluveli wule a zumbako ni nanu a na va a txi xayiswa ku nga mmweyo wa va ka kwanu, u na mranda nga ti u ti randisako tona awe upune, nguko nanu mi ti valuveli ditikoni ka Egipta: Ani ngani Mkoma, Txizimu txanu!

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Dhewuteronome 10:19

Ngu toneto, randani mluveli, nguko nanu mi ti ti valuveli ditikoni ka Egipta.

Eksodha 23:9

U nga xuphe mluveli; anu ma kuziva kuxupheka kwakwe, nguko nanu mi ti ti valuveli ditikoni ka Egipta.”

Eksodha 22:21

U nga xuphe mluveli kambe u nga m'dyisete; nguko nanu mive valuveli ditikoni ka Egipta.

Genesisi 15:16

Vanana va liveleko lako la wumune va na wuya kambe kona muwa, nguko konkuwa wubihi wa Vaamori kha wu se hoka magwito ka wona.”

Genesisi 47:4

Vona va to womba kambe ka Faro, va txi kha vona: “Hi tela ku ta aka ditikoni muwa kwako, nguko Kanana, mwani kwathu, kha kuswi ku di ni wudyiselo wa mitxhambi yathu, athu sithumi sako, ngu mhaka ya paya i ku ya hombe. Ha kombela ti to athu sithumi sako hi txi zumba ditikoni ka Goxeni.”

Eksodha 1:13

Se Vaegipta va to thumisa vanana va ka Israyeli ngu tshofu;

Eksodha 2:24

Se Txizimu txi engisile kudila kwawe, Txizimu txi to alakanya txitumelelano txi txi nga txi maha ni Abrahamu, ni Isaake ni Jakobe.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Eksodha 3:10

Na kuruma, tsula ka Faro, u txi ya humisa vathu vangu, vanana va ka Israyeli, ditikoni ka Egipta.”

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Dhewuteronome 5:15

Alakanya ti to nawe u ti ti khumbi ditikoni ka Egipta, ni ti to Mkoma, Txizimu txako, a ku humisile koneyo ngu dianza da mtamo ni diwoko do guleka. Ngu mhaka ya toneto, Mkoma, Txizimu txako, a ku leletete ti to u vekisa ditshiku da Sabbata.

Masalmo 105:42

Txizimu txi to alakanya mapswi a txona o sawuleka, awa txi nga xambanya ka Abrahamu msawulwa wa txona.

Eksodha 1:14

ngu kumaha keto, va to va pfisa kupanda kuhanyani kwawe, ngu wukhumbi wo nemela, ngu kuvhuva txitsowo ni kubhaka sitini, mithumo yo hambana-hambana, ya tithembweni ni mithumo yotshe yi va nga txi va ruma ku yi maha.

Mitengo 20:15

Vatate vathu i ti valuveli kona Egipta, na athu hi di zumbile malembe o tala Egipta; va to hi xanisa athu ni vatate vathu.