Genesisi 15:12 - Bhiblia Yo Sawuleka

¹² Mbimo yi ditambo di nga txi ya kuswani, Abramu a to ñolwa ngu wukohe, e maneka a di fenengetilwe ngu mtema wo thisa.

Genesisi 15:12 Referans Kwoze

Genesisi 2:21

Sekoko, Mkoma Txizimu a to otelisa wamwamna wukohe wo tshima; se mbimo yi a nga ti otete, a to thavisa kwakwe limbavhu limwelo, ahawa ha wukhaloni ka kona a nga vhaleta ngu nyama.

Jobe 33:15

Ngu mloro, mwendo ngu txiwoniso, ni wusiku, mbimo yile vathu va manako wukohe wo tshima, na va di otete ha m'bhedhuni.

1 Samuwele 26:12

Dhavhidha koko, a to teka mseve ni ngoto ya mati misungoni ka Sawule, ve tsula; kha kwa maneka ni mmweyo wo ti wona, hambi wo tipfa, mwendo kuwuka; nguko votshe va ti mani wukohe, nguko Mkoma a ti va otelisile ngu wukohe wa hombe.

Mithumo 20:9

Dijaha dokari, adi di nga ti dhanwa ku i Eutiko, di ti khalahatshile ha mtshunzutini ka difasitela, di txi khata kukhudhahela ngutu, na Paulo a txi ya masoni ngu kuwombawomba kwakwe. Ngu kota ya kona kukhudhahela, a to podika a txi wa hahatshi, kukhukhela ka txitezi txa wuraru. Va ti ya mu gula, na a di fite.

Genesisi 15:11

Magwana ma to ta khandama txitimwi ka sihari sile sa kudawa, aniko Abramu a ma dindile.

Genesisi 28:11

Se ngako a di hokile ka wukhalo wokari, a to navela kuhumula konaho, nguko se ditambo di ti swite. A to teka dirigwi dimwedo ka wona wukhalowo, e di maha txikhigelo txa msungo wakwe, a txi otela.