Genesisi 14:7 - Bhiblia Yo Sawuleka

⁷ Vona va to tshumela va txi ta ka Mlonga wa Kuthethiswa, i ku Kadhesi, ve khozisa dotshe ditiko da Vaamaleki ni da Vaamori, va nga ti akile ditikoni ka Azazani-Tamari.

Genesisi 14:7 Referans Kwoze

2 Makronika 20:2

Sekoko vathu vamwani va to ya gela Josafati va txi kha vona: Wa telwa ngu vathu vavangi ngutu, ngu mtxhatuko ka linene ni ka Siriya; konkuwa va maneka (Hazozomi-Tamari, i ku Eni-Gedhi).

Genesisi 20:1

Abrahamu a to khukha konaho e tsula ditikoni ka Negebhe, a txi ya aka hagari ka Kadhesi ni Suri. Ene a to ya luvela ditikoni ka Gerara.

Genesisi 16:14

Ngu mhaka yeto txisima txiya txi dhanwi ku “Njisima txa Lahayi-Royi,” txona txi maneka hagari ka Kadhesi ni Bheredhi.

Joxuwa 15:62

Nibsane, Iri-Hamelaki ni Eni-Gedhi: I mtxhanu wa madhoropa ni dimwedo ni sidhoropana sa kona.

Dhewuteronome 1:46

Ngu mhaka ya toneto, mi zumbile masiku amangi kona Kadhesi, ka ona masiku ale mi nga maneka koneyo.

Dhewuteronome 1:19

Sekoko hi to khukha ngu Horebhi, hi tshawunyeta txiwula txile txa hombe txo thisa. Anu mi ti wonil, hi tsimbite ngu nzila ya mmango wa Vaamori, nga ti a nga leletisa tona Mkoma, Txizimu txathu; hi txi hoka Kadhesi-Bharneya.

Mitengo 24:20

Se mbimo yile Bhalahamu a nga wona Vaamaleki, a to thula ndando yakwe a txi khene: Amaleki ngene wo khata ka yotshe mifumo. Kambe ngu magwito ka kona, ngene a nga loviswa.

Mitengo 20:1

Wotshe msengeletano wa vanana va ka Israyeli, wu to hoka ka txiwula txa Zimi, ngu mtxima wo khata; se vathu ve gova ka wukhalo wa Kadhesi. Miriyamu a to fa ka wukhalowo, e tshotshwa konaho.

Mitengo 14:45

Sekoko, Vaamaleki, ni Vakanana, ava va nga ti akile mmangoni, va to relela ve ta lwa ni Vaisrayeli, ve va xula, ve va tutumisa kala ve hoka Herma.

Mitengo 14:43

Nguko Vaamaleki ni Vakanana va masoni kwanu; anu mi na fuletelwa ngu matxhari awe, nguko anu mi tshuralete Mkoma; se nene Mkoma kha na mbi va ni nanu.”

Mitengo 13:26

Mbimo yi va nga wuya, va to ya ka Mosi ni ka Aroni, ni ka wotshe msengeletano wa ka Israyeli, amu txiwulani ka Parani, hafuhi ni Kadhesi.

Genesisi 36:16

mthangeli Gayetamu, ni mthangeli Amaleki; avava ngu vona vathangeli va Elifazi, ditikoni ka Edhomi; ngu vona vanana va Adha.

Genesisi 36:12

Elifazi, mwana Esawu, a ti ni Timina, msikati wa txikaba, awu a nga veleka nayo Amaleki. Evo mbanana va Adha, msikati wa Esawu.

Ezekhiyele 47:10

Vadoti ni vona va na va hafuhi ka txinambwana; kukhukhela Eni-Gedhi, kala Eni-Eglayime, ku nava ni wukhalo wo nawuluta tikoka; sihaka sa kona, ngu tixaka ta sona, si na nga sihaka sa Linene la Hombe, ngu kutala ngutu.

Ezekhiyele 48:28

Se hafuhi ni muhingano wa ka Gadhi, kukhukhela ka didhawa da wuphemba, muhingano wu na khukhela ka Tamari kala matshanganoni ka mati a Kadhesi, kuya didhawa ka txinambwana kala ka Linene la Hombe.