Genesisi 14:22 - Bhiblia Yo Sawuleka

²² Aniko Abramu a xamute ka mfumeli wa Sodhoma, a txi khene: “Na xambanya ngu kugula dianza dangu masoni ka Txizimu Nyatxitimwi, i ku M'vangi wa nzuma ni mafu,

Genesisi 14:22 Referans Kwoze

Dhaniyeli 12:7

Se ni to pfa wamwamna wule a nga ambala syambalo sa linyu, a nga ti ti emile txitimwi ka mati a mnamboni, mbimo yi a nga guleta dianza dakwe da txinene, ni dianza dakwe da txibhabha e komba nzumani, se a to xambanya ngu wule a hanyako ngu ha ku si gwitiko, ti to msana ka mbimo yokari, ka timbimo ni ka hafu ya mbimo, ni mbimo yile va nova va di hetile kuhoxota mtamo wa vathu vo sawuleka, totshe timhaka tiya ti nava ti di humelete.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Valamuli 11:35

A hale Jefta a nga mu wona, a to vharula syambalo sakwe na a txi dila, a txi khene: “Yowe! Mwanangu! U ni thete wusiwana kuhanyani kwangu ko pandiseka! Awe u hagari ka vale va ni xanisako. Nguko ni mahile txi thembiso ka Mkoma, kha ni sikotiko kutshumelela msana!”

Dhewuteronome 32:40

Ani na guleta dianza dangu di komba nzumani, ni xambanya ni txi khani: Ngani wu ni hanyako kala kupinduka!

Eksodha 6:8

Ngu msana ani ni na mi yisa ka ditiko di ni nga thembisa ngu txixambanyo ka Abrahamu, ka Isaake ni ka Jakobe; kambe ni na mi ninga di txi maha thomba yanu; ani ngani Mkoma.

Hagayi 2:8

Txangu i silivhela, ni nzalama txhangu, kuwomba Mkoma wa Mabutho a Tiyimbi.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Genesisi 21:33

Abrahamu a to phaya mndonga wa mtamargera, kona Bherisebha, se koneho a to dhumisa ditina da Mkoma Txizimu txo mbi na magwito.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Genesisi 14:21

Sekoko mfumeli wa Sodhoma, a to khene ka Abramu: “Ni ninge vathu dwe, u teka tithomba ti maha tako.”

Genesisi 24:3

kasi ku ni txi ku xambanyisa ngu Mkoma, Txizimu txa nzuma ni mafu, ti to u nga thuke u txi lowolela msikati mwanana wangu, hagari ka mahorana a Vakanana, ava ni nga zumba hagari kwawe;

2 Vafumeli 5:16

Aniko Elixa a to khene: Ni xambanya ngu Txizimu txa kuhanya, atxi ni ku masoni ka txona, taku kha ni na mbi amukela. Nahanani a to mkurumeta kuamukela, aniko ene a to lamba.

Masalmo 144:8

avava sisofu sawe si wombawombako wukanganyisi, ni manza awe a txinene ma xambanyako makuhu.

Masalmo 144:11

Ni txhatxhise u ni thavisa ka manza a vanana va vamatiko, avale sisofu sawe si wombawombako wukanganganyisi avale manza awe a txinene i ku a wubihi.

Dhewuteronome 10:14

Wona nzuma ni nzuma ya tinzuma, si lumba Mkoma, Txizimu txako, kumweko ni mafu ni sotshe si si kuho ka ona.

2 Samuwele 2:5

Sekoko Dhavhidha a to rumela mitumi ka vavamna va Jebhesi-Gileyadhi, a txi khene kwawe: Manani kukateka anu ngu ka Mkoma, nguko mi mahile wunene wo nga tiya ka nyamne wanu, ka Sawule, kambe mi mtshotshile!

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.