Genesisi 14:17 - Bhiblia Yo Sawuleka

¹⁷ Mbimo yi Abramu a nga wuya, msana ka kuva a di khozisile Kedhorolawomeri ni vafumeli vale a nga ti pfana navo, mfumeli wa Sodhoma a to m'hingeta libalani ka Savhe (i ku libala la mfumeli.)

Genesisi 14:17 Referans Kwoze

2 Samuwele 18:18

Mbimo yile Abhisalome a nga txi hanya, a ti ti emisete phande, yi yi ku mkovani ka Mfumeli, nguko a ti khene: Kha ni na mwanana ni wammweyo wo sala a txi alakanya ditina dangu. Se phande yile a to yi raya ditina dakwe; ngu toneto, kala ka ditshiku da nyamsi yi dhanwa ku Sika ya Abhisalome.

Vahebheru 7:1

Melkisedheki wuwa, mfumeli wa Salema, mphaxeli wa Txizimu Nyatxitimwi, a to hingeta Abrahamu, awu a nga ti wuya ngu kuxulani ka vafumeli; se e mkatekisa.

Mavingu 19:4

Tithomba ta manisa vangana vavangi, aniko txisiwana, txa lekwa ngu mngana wa txona.

Mavingu 14:20

Txisiwana txi nyenywa hambi ngu muakelani wa txona, aniko vangana va vanyatithombe mbavangi.

1 Samuwele 18:6

Ku to maheka koko, taku, mbimo yi va nga wona Dhavhidha a txi wuya ngu kuya daya Vafilista, vavasikati va dotshe didhoropa da ka Israyeli va to huma ve hingeta mfumeli Sawule, na va txi embelela ni kusinya, singomana, ngu kutsaka ni sivetaveta sa wuembeleli.

Valamuli 11:34

Mbimo yi Jefta a nga ti wuya m'tini kwakwe ka Misipa, mwanana wakwe wa dihorana a to huma a txi ya mu hingeta na a txi sinya ni kuveta singomana. I ti ti mwanana wakwe wammweyo ekha wa dihorana, hahanze kwakwe a ti sina mmwani mwanana wa mfana hambi wa dihorana.

Genesisi 14:1

Ka mbimo ya Amurafeli, mfumeli wa Sinari, ni Ariyoki, mfumeli wa Elasari, ni Kedhorolawomeri, mfumeli wa Elame, ni Tidhali, mfumeli wa Goyimi,

Genesisi 14:5

Ka dilembe da digumi ni mune, mfumeli Kedhorolawomeri ni vafumeli va a nga ti pfana navo, va to ya khozisa Varefayime, ditikoni ka Astaroti-Karinayimi, ni Vazuzimi, ditikoni ka Kame, Vaemimi, libalani ka Kariyatayimi,

Genesisi 14:10

Ngu ti taku, libala la Sidhime li ti ni sisima sasingi si nga ti tate ni ndope, kuthavani kwawe mfumeli wa Sodhoma ni mfumeli wa Gomora, va to hojomela ka sona, avale va nga sala va to thavela mmangoni.