Genesisi 14:15 - Bhiblia Yo Sawuleka

¹⁵ Se ene a to abanisa vathu vakwe ngu mitxawa, va txi dayela valala vawe ni wusiku, ve va khozisa, ni kuva hinga kala Hobha, wuphemba ka Dhamasku.

Genesisi 14:15 Referans Kwoze

Mithumo 9:2

eya kombela kwakwe mapasi awa ma nga bhalelwa masinagoga a Dhamasku, ti to ngako a txi ya mana koneyo vathu va Nzila yiya, vavamna mwendo vavasikati, e va yisa Jerusalema, va di sungilwe.

Masalmo 112:5

A katekile m'thu wu a pfelako wusiwana e lombisa a tsimbitisako mabhindu ngu kululama ni ditshuri;

1 Vafumeli 15:18

Sekoko Asa a to teka yotshe silivhela ni nzalama yi nga ti sate ka tithomba ta Nyumbani ka Mkoma, ni mu ka tithomba ta nyumbani ka mfumeli, se a to si ningela manzani ka sithumi sakwe, e si rumela ka Bheni-Hadhadhe, mwana Tambrimo, wa mwana Heziyomi, mfumeli wa Siriya, a nga ti zumba Dhamasku, a txi khene:

Dhewuteronome 15:2

Mamahelo a kona ngu awa: Mmwani ni mmwani a nga txenekisa tximaha txokari ka mkwawe, a na m'divalela; kha na mbi m'vila mwakelani wakwe, hambi mwanawe, nguko kuhuweletwe mthetho wa kudivalela, ngu ditina da Mkoma.

Mithumo 9:8

Se Sawule a to khukha ngu hahatshi, e tula maso, kambe asi nga ngadi e wona. Va to mu ñoleta ngu diwoko ve mu wuleta Dhamasku.

Mithumo 9:10

A ti ti ho kona Dhamasku mgondiswa wu a dhanwako ku i Ananiya; se Mkoma a to m'dhana ngu txiwoniso, a txi khene: “Ananiya!” Ene a txi orovela a txi khene: “Ni ho hawa, Mkoma.”

Genesisi 15:2

Sekoko Abramu a xamute, a txi khene: “Awe Mkoma Txizimu, u na ni ninga txani kani? Nguko ni konkuwa kha ninzi kuva ni mwanana, se awu a no dya thomba yangu i Eliyezeri wa Dhamasku.”

Valamuli 7:16

Sekoko Gidhiyoni a to abanisa vathu vakwe va 300 ngu mitxawa yiraru. Ka votshe a abanisete manzani kwawe, mipundu ni tidhuwa ta maphanga, ni misanje yo tura, ka tona.

Isaya 7:8

Nguko m'zinda ka Siriya ngu Dhamasku, ni msungo wa Dhamasku i Rezimi; se mndani ka mtxhanu wa magumi ni dimwedo, ni mtxhanu wa malembe, Efrayime a na xaselwa, e leka kuva ni vathu.

Isaya 17:1

Mahungu a Dhamasku. Wona taku Dhamasku a na thaviswa, kha na mbiswa e maha didhoropa, aniko a na maha mmumbu wa marumbi.

Jeremiya 49:23

Xungetano ngu Dhamasku, a vile ni tingana Hamati ni Aripadhe, ni mbimo yile va nga pfa mahungu a maphya o biha, va to tsivala; lineneni ku ni kuxaniseka, kuwalo kuthutha.

Ezekhiyele 27:18

Dhamasku a xaviselani ni nawe ngu mhaka ya kutala ka si u nga si thuma, ngu mhaka ya kutala ka totshe tixaka ta tithomba, ni vhinya ya Helibhoni, ni matoya o basa.

Ezekhiyele 47:16

Hamati, Bherota, Sibrayimi (di ku hagari ka m'hingano wa Dhamasku, ni m'hingano wa Hamati), ni didhoropa da Hazeri-Hatikomi (di ku hafuhi ni muhingano wa Hawurami.)