Genesisi 14:14 - Bhiblia Yo Sawuleka

¹⁴ Mbimo yile a nga ziva ti to Loti, mwanana wa mnanda wakwe a ñotwe, a to tshanganisa 318 wa tindena, ka va a nga ti zumba navo, e va londeta kala Dhani.

Genesisi 14:14 Referans Kwoze

Valamuli 18:29

Se Didhoropa diya va to di dhana ngu ditina daku i Dhani, madingano ni ditina da Dhani, tate wawe, a nga velekwa ngu Israyeli, na ngu kukhatani ka kona koko, ditina da didhoropa diya i ti ti Layisi.

Genesisi 15:3

Abramu a to engeta, a txi khene: “Ngu ti to khwa ni ninga mwanana, se mwanana wule a no velekwa ha m'tini kwangu, ngene a no dya thomba yangu.”

Ekleziyaste 2:7

Ni xava tikhumbi ta txiwamna ni ta txisikati, ni ve ni sithumi so velekelwa nyumbani kwangu; kambe ni ve ni tithomba tatingi ta tihomu ta mikati, ni tinvuta, kupinda votshe vale va nga maneka Jerusalema, ni sanzi ku va ho.

Dhewuteronome 34:1

Sekoko Mosi a to khukha ngu libalani ka Mowabhi, a txi ya kwela mmangoni ka Nebho, txitimwi ka Pisiga, ku ku masoni ka Jeriko. Se Mkoma a to mkomba dotshe ditiko, kukhukhela Gileyadhi kala Dhani;

Genesisi 17:27

ni otshe mazambi a nyumbani kwakwe, vanana va nyumbani, mwendo vale va nga xawa ngu male ka vamatiko, va to yiswa wukwera kumweko nayo.

Genesisi 17:12

Msana ka mtxhanu wa masiku ni mararu a kuvelekwa, votshe vanana va vafana va na yiswa wukwerani, kukhukhela ka wule a velekwako m'tini kwako, kala ka wule a xawako ngu male ka vamatiko, awule i ku si nga wa lihunzu lako.

Genesisi 12:5

Abramu a to teka Sarayi msikati wakwe, ni Loti mwanana wa mwanawe, ni thomba yotshe yi va nga ti ti nayo, ni sithumi si va nga ti si mani ditikoni ka Harani, va txi khukha ve tsula ditikoni ka Kanana, kala va txi ya hoka ditikoni ka Kanana.

1 Johani 2:18

Sivananananu sangu, txi hokile txikhati txo gwitisa; mi ti engisile ti to wata Mkaneti wa Kristu, na kasi vaho vavangi va ti maha vakaneti va Kristu; ngu konaho hi ti zivako ti to txi hokile txikhati txo gwitisa.

Masalmo 68:12

“Vafumeli ni mabutho awe ndivale va thava, m'tini vavasikati va phakelana sile si nga honyolwa ka mlala.”

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.

Genesisi 23:6

“Hi engise, awe nyamne wathu: Awe u didhota da Txizimu hagari kwathu; tshotsha mfi wako ka diphala di i ku da lisima ka maphala athu; ni wammweyo kwathu kha na mbi kulambela diphala dakwe, kuva u tshotsha mfi wako ka dona.”

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Genesisi 13:8

Abramu a to khene ka Loti: “Kha kulaveki ku txi vaho kuphikizana hagari kwangu ni nawe, hagari ka vadyisi vangu ni vako, nguko hi vamwevo.

Genesisi 12:16

Ngu mhaka ya Sarayi, Faro a to amukela Abramu ngu manza mambidi. E mninga tinvuta, tihomu, timbongola ta vamatune, ni timbongola ta vamakati, sithumi sa mazambi, ni sa mahorana, ni makamelu.

Mavingu 17:17

Randa mngana wako yotshe mbimo, se ngu mbimo ya xomulo a na va mwananu.

Genesisi 14:12

Va to mñola nene Loti, awule a nga ti ti zumba Sodhoma, mwanana wa mwanawe wa Abramu, ni tithomba takwe, ve tsula naso.

Genesisi 14:16

A va honyote sotshe si va nga ti handile, kumweko ni Loti, mwanana wa mnanda wakwe, ni vavasikati, ni vathu votshe va nga ti ñotwe.

Genesisi 17:23

Sekoko Abrahamu a to teka Ismayeli, mwanana wakwe, ni votshe vavamna vale va nga velekwa m'tini kwakwe, ni votshe vale va nga xawa ngu male, votshe va mazambi, ava va kuho m'tini kwakwe, a to va yisa wukwera, ka donedo tshiku, nga ti Txizimu txi nga mleletisa tona.

1 Vafumeli 15:20

Se Bheni-Hadhadhe a to pfisisa mfumeli Asa, se e rumela vathangeli va yimbi avale a nga ti navo kuya ya wisa didhoropa da Israyeli, kambe va to ya xasela Ijomi, ni Dhani, ni Abhele-Bheti-Mahaka, ni dotshe didhoropa da Kinerete, ni dotshe ditiko da Naftali.

Jeremiya 41:12

A to teka votshe vavamna va txi yalwa ni Ismayeli, mwana Netaniya: Va to mmana hafuhi ni mati amangi ma kuho Gibheyoni.

1 Samuwele 30:19

Aniko kha pwata ni wammweyo, kukhukhela ka wam'dotho kala ka wa hombe, ni kala ka vanana va majaha ni vamahorana; ni kukhukhela ka sile so handwa kala ka sotshe sile va nga ti teketwe; sotshe Dhavhidha a to wuya naso.