Genesisi 14:13 - Bhiblia Yo Sawuleka

¹³ Sekoko mmweyo wa vale va nga huluka, a to ya zivisa Abramu, Muhebheru; Muamori a nga ti akile mikusuni ka Mambre, dixaka da Esikole ni Aneri vona va ti ti pfana ni Abramu.

Genesisi 14:13 Referans Kwoze

Genesisi 13:18

Abramu a to khukha ni matenda akwe a txi ya aka mikusuni ka Mambre, i ku hafuhi ni Hebroni, se koneyo, a to akela Mkoma txiluvelo.

Genesisi 14:24

Kha ni na mbi teka txilo, hahanze ka sile vathu vangu va nga dya, ni sile va no avelwa avale va nga ta ni nani, Aneri, Esikole ni Mambre. Evo va na teka txyavelo txawe.”

Genesisi 40:15

nguko, ni to pfhukulwa ditikoni ka Vahebheru; hambi ni kona hawa kha na maha txilo txo biha, txa kuza ni ta wuletwa diphalani muwa.”

Vafilipiya 2:5

Hagari kwanu, kulaveka mi zumba mi di ni mapimo a Kristu Jesu:

2 Vakorinto 11:22

Mbahebheru kani? Nanani ni ene. Vona mbaisrayeli kani? Nanani ni ene. Mba lixaka la Abrahamu kani? Nanani ni wa lona.

Jona 1:9

Se ene a to va gela a txi khene: Ani ni Muhebheru, ni thava Mkoma, Txizimu txa nzumani, awu a nga maha linene ni mafu a kuoma.

Jobe 1:15

Se Vasabhewu va to ta ti honyola, ve daya vafana ngu ditxhari; ngani nokha ni nga huluka, ni ku tiselako mahungu.

1 Samuwele 4:12

Sekoko wamwamna wa ka Bhenjamini, a to ta ngu yimbini a txi tutuma, e ta hoka Silo ngu ditshiku donedo, a di ni syambalo so vharukela, ni mafu ha msungo kwakwe.

Mitengo 21:21

Sekoko Israyeli a to rumela mitumi ka Sihoni, mfumeli wa Vaamori, kasi kuya womba tiya:

Eksodha 2:11

Ka masiku oneyo, Mosi i di wa hombe a to huma kasiku eya wona va ka kwawe; ahale a nga wona mathumelo awe o nemela, txitimwi kwawe; a to wona kambe Muegipta wokari a nga txi peka mmweyo wa mwanawe wa Muhebheru.

Eksodha 2:6

A to di tula, e wona mwanana: I ti mwanana wa mfana a nga txi dila. Nguko mxanisekela, a to womba, a txi khene: “Awuwa i mwanana wa mfana, wa Muhebheru!”

Genesisi 43:32

Va to phamela sakudya ve ninga Josefa ha mezani kwakwe, ve phamela sa kuninga vanawe ha mezani kwakwe ni vona, ve phamela kambe Vaegipta va nga ti ti ho ha mezani kwakwe ni vona: Nguko Vaegipta kha va dyi kumweko ni Vahebheru, nguko eto ta yila ka Vaegipta.

Genesisi 41:12

Se konaho, a ti ti kumweko ni nathu, mmweyo wa dizambi da Muhebheru, txithumi txa mthangeli wa vawoneleti, hi to mxawutela miloro yathu, se ene e hi txhamusela atiya mloro wammweyo ni mmweyo wathu wu wombako tona.

Genesisi 10:16

Kanana ngene tate wa Vajebhusi ni Vaamori, Vagirigasi,

Genesisi 39:14

e dhana vathu va ha m'tini kwakwe a txi va gela tiya: “Wonani! Potifari a hi wuyisete Muhebheru wuwa, se wa maha tawalo. Ene a tile kwangu e lava kuotela ni nani, aniko ni pekile huwa ya hombe,

Genesisi 18:1

Ngu msana Mkoma a to woneka ka Abrahamu mikusuni ka Mambre, mbimo yi a nga ti khalahatshile ha txikeni ka ditenda dakwe, ni mitshikari, na ditambo di txi hisa ngutu.

Genesisi 21:27

Abrahamu a to teka tinvuta ni tihomu e ninga Abhimeleki, se ngu wumbidi wawe va to maha txitumelelano.

Genesisi 21:32

Va to maha txitumelelano kona Bherisebha; Abhimeleki a to khukha, kumweko ni Fikoli, mthangeli ya dibutho dakwe da yimbi, ve tshumelela ditikoni ka Vafilista.

Eksodha 3:18

Se vona va na engisa dipswi dako; u na tsula awe ni madhota a ka Israyeli ka Faro, mfumeli wa Egipta, u txi ya m'gela tiya: Mkoma, Txizimu txa Vahebheru, a tile kwathu. Konkuwa hi leke hi txi teka dipfhumba da masiku mararu hi txi tsula txiwulani, kasi hi txi ya phaxa ka Mkoma Txizimu txathu.

Mitengo 13:23

Kambe va to hoka mkovani ka Exikoli, konemo va to phatula didhavi da muuvha, ni txizangwa txa mauvha, ve ta hayeka ka donga, vathu vambidi ve pakata, ni maromani, ni makuwu.

Jeremiya 34:9

kasi ku mmweyo ni mmweyo e txhatxha txithumi txakwe txatxiwamna ni txatxisikati, ngako i di Muhebheru wa txiwamna mwendo Muhebheru wa txisikati, kasi ku si nga ni wu a thumisako Mujudha-kulowe nga khumbi.

Genesisi 21:24

Abrahamu a to khene: “Na xambanya.”

1 Samuwele 29:3

Sekoko vathangeli va Vafilista va to kha vona: Va maha txani Vahebheru vava hawa kani? Se Akisi a to khene ka vathangeli va Vafilista: I na hi nga Dhavhidha wuwa, txithumi txa Sawule, mfumeli wa Israyeli, wule a nga zumba ni nani masiku okari mwendo malembe kani? Kha na mana txionho ni txa tximwetxo kwakwe, kukhukhela ka ditshiku dile a nga ta ngu dona kala ka ditshiku da nyamsi.