Genesisi 13:8 - Bhiblia Yo Sawuleka

⁸ Abramu a to khene ka Loti: “Kha kulaveki ku txi vaho kuphikizana hagari kwangu ni nawe, hagari ka vadyisi vangu ni vako, nguko hi vamwevo.

Genesisi 13:8 Referans Kwoze

Mithumo 7:26

Se ngu ditshiku di di londetako, a to mana vamwani vavambidi va txi lwa, se e va khongotela ngu ku va kamba, a txi khene: ‘Vavamna, mi va lixaka limwelo! Mi lwela txani kani?’

Masalmo 133:1

Eto ti tshambisako tona ni kutsakisa, ngako maxaka ma txi hanya kumweko ngu kupfana!

2 Pedro 1:7

mi txi tsanisa wukhongeli ngu kudhundana ka wuxaka, mi txi tsanisa kudhundana ka wuxaka ngu lirando.

1 Pedro 4:8

Ngutu-ngutu, khatalelani kurandana, nguko lirando la fenengeta mtalo wa sionho.

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

Varoma 12:10

Zumbani ngu kurandana nga vanana va m'thu mmweyo, mi txi palisana ngu kukombisa txithavo ka mmwani ni mmwani.

Mavingu 20:3

Wa dhundeka m'thu wule a vayilelako mazunga.

Mavingu 15:1

Kuxamula ko ti veka hahatshi ka releta kuhenya, kambe mapswi o nemela ma wusa kuhenya.

Genesisi 45:24

Se ngako a di salisanile ni vanawe, vona va to teka nzila, na Josefa a di va gete ku khene: “Mi nga henyisaneni hanzila!”

1 Johani 4:7

Vorandeka, he randaneni, nguko lirando lita ngu ka Txizimu, votshe va vo randeka, va velekilwe ngu Txizimu, se va txi ziva Txizimu.

1 Pedro 2:17

Vekani txithavo ka votshe vathu. Randani kuhanyelana. Thavani Txizimu. Thavani mfumeli.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Vahebheru 13:1

Yanani masoni ngu kurandana nga vanawe.

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

1 Vatesalonika 4:9

Ngu mhaka ya kurandana ni vananu, kha mi faneli kubhalelwa nguko, anu mipune mi gondisilwe kurandana ngu Txizimu.

Vafilipiya 2:14

Thumani totshe mi si ngungurukeli ni kuphikizana,

Matewu 5:9

Va katekile ava va thumelako kudikha, nguko va na dhanwa ku mbanana va Txizimu!

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Eksodha 2:13

Mangwanani ka kona, a to engeta a txi huma aha a nga ya wona majaha mambidi a Vahebheru va txi lwa, ene a to angula wule a nga vhuka mkwawe a txi khene: “Ngu kutxani u txi peka mwananu kani?”

Genesisi 13:9

Dotshe ditiko kha di nga masoni kwako kani? Na ku kombela ti to u tshuketa kule ni nani. Nga ti u txi ya txibhabha, ani ni na ya txinene, nga ti u txi ya txinene, ani ni na ya txibhabha.”

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”

Genesisi 14:14

Mbimo yile a nga ziva ti to Loti, mwanana wa mnanda wakwe a ñotwe, a to tshanganisa 318 wa tindena, ka va a nga ti zumba navo, e va londeta kala Dhani.

Valamuli 9:26

Gahali mwana Ebhedhi a to ta Sikemi kumweko ni vanawe, se vathu va Sikemi va to khata ku mthemba.