Genesisi 13:7 - Bhiblia Yo Sawuleka

⁷ Se ku ti ti ho kuphikizana hagari ka vadyisi va sifuyo sa Abramu ni vadyisi va sifuyo sa Loti, ka yona mbimo yile; sekoko Vakanana, Vaferezi va ti ti zumba kona ditikoni mule.

Genesisi 13:7 Referans Kwoze

Genesisi 26:20

Vadyisi va niya Gerara, va to khata kuphikizana ni vadyisi va sifuyo sa Isaake, va txi kha vona: “Aawa mati athu!” Ti di ngeto, a to raya txisima txile ditina daku i Eseki “Kuphikizana”: Nguko va phikizanile ni vadyisi ngu mhaka ya txisimetxo.

Genesisi 12:6

Abramu a to tshawunyeta ditiko kala a txi ya hoka ka mkusu wa More, wu nga ti ka wukhalo wa Sikemi; sekoko Vakanana va ti akile ka dona ditiko diya.

Jakobe 3:16

Nguko, ahawa ku ku ni wukhuxu ni mibhando, ku na tumbuluka mazunga ni totshe tixaka ta sionho.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Jakobe 4:1

Ti ta ngu hani tiyimbi, mata ngu hani mazunga hagari kwanu, kani? Ina kha si mahwi ngu timbiti ta minavelo yo biha, ayi sihango sa mmidi wanu si lewako ngu yona, kani?

Vagalatiya 5:20

kukhozela sizimu sa walo, wuloyi, livengo, maguwa, txiluse, txitsikivi, kukanetana, ku ambi engisana, mibango,

Genesisi 34:30

Sekoko Jakobe a to womba ka Simiyoni ni ka Levhi, a txi khene: “Anu mi ni wusete dikhombo da hombe, ni livengo, masoni ka vanyamne va ditiko diya, Vakanana, ni Vaferezi: Athu hi vadotho, ngako vona va txo sengeletana ve hi wukela, hi na fuviswa, ani, ni mwaya wangu.”

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

1 Vatesalonika 4:12

Mahanyelo anu ma nava i di a lisima masoni ka vathu va hahanze, kasi mi na va mi si vileli kuvhunwa ngu m'thu.

Vakolosa 4:5

Hanyani ngu wuzivi ni va va ku hahanze, mi txi londola ta tinene mbimo yi mi ku ka yona.

1 Vakorinto 3:3

nguko mi ngadi vathu va ha mafuni dwe. Nguko mibango ni kuphikizana kuwa ku kuho hagari kwanu, ina hi nga kuwa mi ku ngadi vathu va ha mafuni dwe, mi hanyisako wuthu kani?

Nehemiya 5:9

Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?

Eksodha 2:17

Sekoko kutota vadyisi va txi ta va tutumisa hale; kambe Mosi a to khukha, a txi va emela, e ninga mati mitxhambi yawe yi sela.

Genesisi 21:25

Abrahamu a to sola Abhimeleki ngu mhaka ya txisima txiya sithumi Abhimeleki si nga ti m'honyote ngu txieyiso.

Genesisi 10:19

Muhingano wa Vakanana wu ti tiya ngu Sidhoni, wu txi komba kuya Gerara, kala Gaza, ni Sodhoma, ni Gomora, ni Adhama, ni Zebhoyimi, kala kuya gwitela Lasa.

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”

Mavingu 20:3

Wa dhundeka m'thu wule a vayilelako mazunga.

Marku 3:25

Mwaya ni wona, ngako wu txi ti abanisa ngu hagari, ewo mwaya kha wu na kutsana.