Genesisi 13:2 - Bhiblia Yo Sawuleka

² Abramu a ti ni sifuyo ngutu, ni silivhela ni nzalama.

Genesisi 13:2 Referans Kwoze

Genesisi 24:35

Mkoma a katekisile ngutu nyamne wangu, e maha nyatithombe wa hombe: A mningile tinvuta ni tihomu, silivhela ni nzalama, sithumi sa txiwamna ni sa txisikati, makamelu ni timbongola.”

Mavingu 10:22

Txikatekiso txa Mkoma ngu txona txi ningako thomba ka m'thu, kambe ene kha na kuengetela txilo.

Jobe 1:3

A ti ti fuyile 7.000 wa tinvuta, ni 3.000 wa makamelu, 500 wa mipatwa ya tihomu, ni 500 wa timbongola; kambe a ti ti thumelwa ngu vathu vavangi ngutu; aha kaku, wamwamna wuwa, i ti ti wa hombe kupinda votshe va Wutxani.

Dhewuteronome 8:18

Alakanya Mkoma, Txizimu txako, nguko ngene a ku ningako mtamo wa kumana thomba, na a txi mahela kutsanisa txitumelelano txi a nga xambanya ka vatate vako, nga ti nyamsi u ti wonako.

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Jobe 1:10

Ina awe khwa mranganyeta ngu tithomba, ni nyumba yakwe, ni sotshe sile a ku naso kani? U katekisile mithumo ya manza akwe, wufuyi wakwe wa anda ha mafuni.

1 Samuwele 2:7

Mkoma wa va nga wusiwana, kambe wa fumisa; wa veka hahatshi, kambe wa guleta.

Genesisi 12:16

Ngu mhaka ya Sarayi, Faro a to amukela Abramu ngu manza mambidi. E mninga tinvuta, tihomu, timbongola ta vamatune, ni timbongola ta vamakati, sithumi sa mazambi, ni sa mahorana, ni makamelu.

Genesisi 13:6

Ditikoni muwa va nga ya maneka kona, mafu ma ti si dingani kuve zumba votshe wukhalo wumwewo, nguko va ti ti fuyile ngutu.

Genesisi 24:1

Abrahamu koko a ti ti kumbile ngutu, a ti ni malembe o tala; se Mkoma a katekisile Abrahamu ka totshe.

Genesisi 30:43

Ngu mhaka yeto, Jakobe a to maha nyatithombe wa hombe ngutu, a txi va ni mitxhambi yo tala, ni sithumi sa txisikati ni sa txiwamna, ni makamelu ni timbongola.

Genesisi 26:14

Ene a ti ni mitxhambi ya tinvuta, tihomu to tala ni sithumi sasingi. Ngu mhaka ya toneto, Vafilista va to khata ku m'bavela.