Genesisi 13:18 - Bhiblia Yo Sawuleka

¹⁸ Abramu a to khukha ni matenda akwe a txi ya aka mikusuni ka Mambre, i ku hafuhi ni Hebroni, se koneyo, a to akela Mkoma txiluvelo.

Genesisi 13:18 Referans Kwoze

Genesisi 35:27

Se Jakobe a to ta ka Isaake tate wakwe, kona Mambre, aniya Kiriyate-Aribhe, i ku Hebroni, ahale va nga ti akile kona, Abrahamu ni Isaake.

Genesisi 18:1

Ngu msana Mkoma a to woneka ka Abrahamu mikusuni ka Mambre, mbimo yi a nga ti khalahatshile ha txikeni ka ditenda dakwe, ni mitshikari, na ditambo di txi hisa ngutu.

Genesisi 14:13

Sekoko mmweyo wa vale va nga huluka, a to ya zivisa Abramu, Muhebheru; Muamori a nga ti akile mikusuni ka Mambre, dixaka da Esikole ni Aneri vona va ti ti pfana ni Abramu.

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.

Masalmo 16:8

Yotshe mbimo ni na ni Mkoma masoni kwangu; kha ni na mbi dhukiswa ngu txilo, nguko ene a ka didhawa dangu da txinene.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

Mitengo 13:22

Se ve kwela ngu didhawa da wulambwe ka kona, veza ve hoka Hebroni; eho ku nga ti zumbile Ahimani, ni Sezayi, ni Talimayi, vatukulu va Anaki (Hebroni ngu kona ko khata kuakwa ngu masoni ka mtxhanu wa malembe ni mambidi na ku si se akwa Zowani, ka Egipta.)

Genesisi 37:14

Ene a m'gete, a txi khene: “Tsula u txi ya wona ti to vakomwako va hanyisa kutxani ni mitxhambi, se u na ni wuyisela mahungu awe.” Josefa a di rumilwe, a to khukha mkovani ka Hebroni a txi ya hoka Sikemi.

Genesisi 13:4

Ka wukhalo wule kukhata ka kona a nga ti akile txiluvelo, Abramu a to khozela ditina da Mkoma.

Joxuwa 14:13

Se Joxuwa a katekisile Kalebhi, mwana Jefoni, wa Mkenezi, e mninga Hebroni, yi maha thomba yakwe.

Genesisi 23:2

se a fete Keriyate-Aribhe, i ku Hebroni, ditikoni ka Kanana. Abrahamu a to ya maha tifanelo ta madila ni kusaluka.

Vahebheru 11:9

Ngu likholo, ene a akile nga muwuyi ka ditiko di a nga ti thembisilwe, a txi zumba midhutini kufana ni Isaake ni Jakobe, vadyi-kulowe va yona thombeyo ya yimweyo ya txithembiso.

Genesisi 22:9

Va to hoka ka wukhalo wu Txizimu txi nga ti ti va leletile ka wona; Abrahamu a to aka txiluvelo, e veketela tikhuni txitimwi ka txona, e sunga mwanana wakwe Isaake, e msanzeka ha ka tikhuni txitimwi ka txiluvelo.

Genesisi 26:25

Sekoko Isaake a to aka txiluvelo koneho, e dhumisa ditina da Mkoma, a txi zima ditenda dakwe; se sithumi sa Isaake, si to kela txisima kona hale.

Joxuwa 15:13

Kalebhi, mwana Jefoni, a ningilwe txyavelo txakwe hagari ka vanana va ka Judha, nga ti Mkoma a nga leleta Joxuwa: A to ningwa didhoropa da Hebroni di dhanwako ku i Kiriyati-Arbha, Arbha i ditina da tate wa Anaki.

2 Samuwele 2:1

Se ku to maheka, msana keto, ta ku Dhavhidha e wotisa ka Mkoma, a txi khene: Ina ni kwelela ni ya ka dimwedo da madhoropa a ka Judha kani? Mkoma to m'gela ku khene: Kwelela! Se Dhavhidha a to khene: Ni kwelelela kuya hani kani? Se Mkoma a to khene: Yana Hebroni!