Genesisi 13:10 - Bhiblia Yo Sawuleka

¹⁰ Loti a to gula maso e wona lotshe libala la Jordhani, lotshe li ti ni mati amangi, na Mkoma asanzi kuhaxula Sodhoma ni Gomora, ku ti fana ni thembwe ya Mkoma, kufana ni ditiko da Egipta di gwitelako Zowari.

Genesisi 13:10 Referans Kwoze

Dhewuteronome 34:3

ni Wuphemba, ni ka thembwe ya mkovani ka Jeriko, didhoropa da mitxhese.

Isaya 51:3

Nguko Mkoma a na thavelela Siyoni, kambe a na thavelela otshe makhalo ale i ku marumbi, se txiwula txa kona a na txi maha txi fanana ni thembwe ya Edheni, ni txiwunda txa kona txi na fana ni thembwe ya Mkoma; kuzumbiseka ni litsako si na maneka ka m'ti wuwa, ni mithumo ya kubonga, kumweko ni dipswi da m'zeno.

Genesisi 14:8

Sekoko mfumeli wa Sodhoma, ni mfumeli wa Gomora, ni mfumeli wa Adhama, ni mfumeli wa Zebhoyimi, ni mfumeli wa Bhela, ene wuwa i ku Segori, va to xoma yimbi ve yalwa navo, libalani ka Sidhime,

Joyeli 2:3

Masoni kwawe mndilo wa tshokomisa; se msana kwawe dituro da hisa; ditiko masoni kwakwe di fana ni thembwe ya Edheni, kambe msana kwakwe njiwula txo thisa; ina, kha ku na mbi huluka txilo.

Genesisi 14:2

vafumeli vava va to xoma yimbi va txi yalwa ni Bhera, mfumeli wa Sodhoma, ni Bherisa, mfumeli wa Gomora, ni Senahabhi, mfumeli wa Adhama, ni Semebheri, mfumeli wa Zebhoyimi, ni mfumeli wa Bhela, i ku Segori.

Ezekhiyele 28:13

U ti ti maneka Edheni, thembweni ka Txizimu; u fenengetwa ngu otshe marigwi a lisima: I ku sardhoni, topazi, dhayimani, turkeza, onekisi, jasiperi, safira, karbhukulu, esmeraldha, ni nzalama, i ku mthumo wa tingoma tako ni makhombela ako, si ti ti kwako; si nga lulamiselwa ka ditshiku dile u nga vangwa ngu dona.

1 Vafumeli 7:46

Libalani ka Jordhani, mfumeli asi nyekisile ngu mafu a ndope, hagari ka Sukote ni Saretani.

Ezekhiyele 31:8

Mikedhari yi ti si sikoti ku wu phumelisa thembweni ka Txizimu, misululwani yi ti si dingana ni madhavi a wona, ni mikhungu yi ti si fani ni madhavi a wona amaphya; ku ti si nga ni mndonga wo tshura kufana nawo, thembweni ka Txizimu.

Jeremiya 48:34

Ku pfate huwa ya Hesibhoni kala Eleyale ni Jahazi, ni kukhukhela Zowari kala Horonayime, di pfate dipswi dakwe, nga dirole da malembe mararu; nguko hambi mati a Nimrime, ma nava ma ti phwite.

Isaya 15:5

Mbilu yangu ya dila ngu mhaka ya Mowabhi; vahombe vawe va tutumile veya Zowari, kufana ni dirole da malembe mararu, nguko va dila va txi kwelela Luwiti, nguko, nzilani ka Horhonayi, va wusa kudila ka hombe ngutu.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Genesisi 6:2

vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe.

Genesisi 3:6

Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

Genesisi 11:27

Ngu liya liveleko la Tera. Tera a to veleka Abramu, ni Nahori, ni Harani. Harani a to veleka Loti.

Genesisi 13:9

Dotshe ditiko kha di nga masoni kwako kani? Na ku kombela ti to u tshuketa kule ni nani. Nga ti u txi ya txibhabha, ani ni na ya txinene, nga ti u txi ya txinene, ani ni na ya txibhabha.”

Genesisi 13:11

Sekoko Loti a to ti sawulela libala la Jordhani, e rumela kuya wutxani. Ngu tona tiya Abramu ni Loti va nga hambanisa tona.

Genesisi 47:6

Ditiko da Egipta di mtamoni kwako: Akisa tate wako ni vananu, ka wukhalo wa wunene. Va na ake ditikoni ka Goxeni. Se ngako, u txi ziva ti to hagari kwawe ku ni vavamna va mtamo, u na va veka ve maha vahombe va mitxhambi ya sifuyo sangu.”

Jobe 40:23

Wona taku mnambo wa thekelela, kambe yona kha yi tutumi, hambi Jordhani a txo wulela mkanani ka yona.

Ezekhiyele 16:46

Se mkomwako ngu Samariya, ene ni vanana vakwe vamahorana, a zumbako txibhabha kwako; se mnanda wako, a zumbako ka dianza dako da txinene, ngu Sodhoma ni vanana vakwe vamahorana.

Ezekhiyele 16:49

Wubihi wa mwananu Sodhoma ngu wuwa: Kutikulisa, kulondola sakudya, wukara wakwe ni vanana vakwe vamahorana; aniko kha zivi kuthumisa manza a txisiwana ni awule wo pwata so maha.

Ezekhiyele 31:9

Ni wu tshurisete kona mu ka kutala ka madhavi a wona; ni yotshe mindonga ya Edheni, yi nga ti ti thembweni ka Txizimu, yi wu bavete.

Ezekhiyele 47:18

Se muhingano wa wutxani, hagari ka Hawurami, ni Dhamasku, ni Gileyadhi, ni ditiko da ka Israyeli, i nava Jordhani; mi na pimeletela kukhukhela muhinganoni ka wulambwe kala ka Linene la wutxani; awuwa i nava muhingano wa wutxani.