Genesisi 12:7 - Bhiblia Yo Sawuleka

⁷ Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Genesisi 12:7 Referans Kwoze

Vagalatiya 3:16

Se sithembiso si mahilwe ka Abrahamu ni liveleko lakwe; Mibhalo kha yi wombisi ku “tiveleko takwe,” nga to va ta vathu vavangi; aniko yi ti “ni ka liveleko lako,” ati ti wombako m'thu mmweyo, i ku Kristu.

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Genesisi 18:1

Ngu msana Mkoma a to woneka ka Abrahamu mikusuni ka Mambre, mbimo yi a nga ti khalahatshile ha txikeni ka ditenda dakwe, ni mitshikari, na ditambo di txi hisa ngutu.

Genesisi 13:15

Dotshe ditikodo u di wonako, ni na kuninga, awe ni lotshe liveleko lako, kala kupinduka.

Genesisi 13:4

Ka wukhalo wule kukhata ka kona a nga ti akile txiluvelo, Abramu a to khozela ditina da Mkoma.

Genesisi 13:18

Abramu a to khukha ni matenda akwe a txi ya aka mikusuni ka Mambre, i ku hafuhi ni Hebroni, se koneyo, a to akela Mkoma txiluvelo.

Eksodha 33:1

Mkoma a to khene kambe ka Mosi: “Tsula, kwela ngu hawa, awe ni vathu va u nga va humisa ditikoni ka Egipta, ka ditiko dile ni nga xambanya ka Abrahamu ka Isaake ni txi khani: Ni na di ninga ka liveleko lako.

Genesisi 32:30

Wukhalo wuwa Jakobe a to wu raya ditina daku i Peniyeli, nguko ene a ti khene: “Ani ni wonani ni Txizimu, khohe ni khohe, aniko ni ngadi ni hanya.”

Genesisi 26:25

Sekoko Isaake a to aka txiluvelo koneho, e dhumisa ditina da Mkoma, a txi zima ditenda dakwe; se sithumi sa Isaake, si to kela txisima kona hale.

Mitengo 32:11

Kha ditshuri, vavamna vale va nga wuya ngu Egipta, va magumi mambidi a malembe kuya masoni, kha va na mbi di wona ditiko di ni nga xambanyela Abrahamu, ni Isaake, ni Jakobe, nguko kha va timisela ve ni londeta.

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.

Vahebheru 11:13

Votshe vathu vava va fete kukholwani, na va sinzi kumana si va nga ti thembisilwe sona. Vona va to si wona ni ku si tsakela ngu kule dwe, va txi ti tshanza ti to vona mbawuyi ni vaendi ha mafuni.

Varoma 9:8

Ati ti wombako ku hi nga vanana va mtumbuluko ava i ku vanana va Txizimu. Vanana va txithembiso txa Txizimu ngu vona i ku va txona va ditshuri.

Genesisi 22:9

Va to hoka ka wukhalo wu Txizimu txi nga ti ti va leletile ka wona; Abrahamu a to aka txiluvelo, e veketela tikhuni txitimwi ka txona, e sunga mwanana wakwe Isaake, e msanzeka ha ka tikhuni txitimwi ka txiluvelo.

Genesisi 17:3

Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Vagalatiya 4:28

Kasi anu, vanathu, kufana ni Isaake, nanu mi vanana va txithembiso.

Dhewuteronome 30:20

ngako u txi randa Mkoma, Txizimu txako, u engisa dipswi dakwe, u namarela kwakwe; nguko ene ngene i ku wutomi wako ni kuanda ka masiku ako, kasi ku u na sikota kuzumba ka ditiko di Mkoma a nga xambanya ka vatate vako, Abrahamu, Isaake, ni Jakobe, ti to a na va ninga.

Dhewuteronome 6:10

Ngako Mkoma Txizimu txako a txi ku wuletisa ka ditiko di ene a nga thembisa ngu kuxambanya ka vatate vako Abrahamu, Isaake ni Jakobe, ti to a na kuninga, i ku madhoropa a hombe o tshura, aawa u nga mbi ma aka,

Dhewuteronome 1:8

Ngu diya ditiko di ani ni nga mi ninga; wulelani ka dona mi txi di fuma, adi Mkoma, ngu txixambanyo, a nga thembisa ku di ningela ka vatate vanu, Abrahamu, Isaake ni Jakobe, se ngu msana kwawe di na va i di da situkulwana sawe.

Eksodha 6:3

Ni humelete ka Abrahamu, ka Isaake ni ka Jakobe ni di Txizimu txa Mtamo-Wotshe; aniko ngu ditina dangu, ani Mkoma, kha na ti zivekisa ngu dona.

Genesisi 33:20

Se konaho a to aka txiluvelo, a nga txi raya ditina daku i “Eli-Txizimu txa Israyeli.”

Genesisi 28:13

Ngu txitimwi ka dinera Mkoma a ti emile, se, a txi khene: “Ani ngani Mkoma, Txizimu txa Abrahamu, tate wako, ni Txizimu txa Isaake. Ditiko di u nga otela ka dona, ani ni na di ningela kwako ni ka liveleko lako.

Genesisi 26:3

U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.

Mithumo 7:5

Aniko kha txa mninga thembwe kona hambi wukhaloanyana wu wu dinganako ku kandwa ngu mkondo; txi to mu thembisa dwe ti to txi na mninga dona, di maha thomba yakwe ni ya vatukulu vakwe msana kwakwe, hambiko a nga ti sanzi kuva ni mwanana.

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

Genesisi 24:7

Mkoma, Txizimu txa nzuma, awu a nga ni teka nyumbani ka tate wangu ditikoni mu ni nga velekelwa kona, awu a nga ni gela ngu kuxambanya a txi khene: Ni na ningela ditiko diya ka liveleko lako, ene a na ruma ngelozi yakwe masoni kwako, se u na ya lowolela kheyo msikati mwanana wangu.

Eksodha 6:4

Kambe ni emisile txitumelano txangu navo, kasi kuvaninga ditiko da Kanana, ditiko di va nga zumba ka dona kota valuveli.

Eksodha 32:13

Khumbula sithumi sako Abrahamu, Isaake ni Israyeli, avale u nga xambanya kwawe u txi khawe: Ni na andisa liveleko lanu li txi nga tinyeleti ta nzumani, kambe ni na ningela dotshe ditiko diya ka vanana vanu adile ni ngadi womba, kasi ku dimaha thomba yawe, kala kupinduka.”

Dhewuteronome 9:5

Hi nga ngu mhaka ya kululama kwako, kambe hi nga ngu mhaka ya wunene wa mbilu yako, aku u ngaza u wulela, u teka ditiko dawe, aniko Mkoma a tutumisa matiko awa masoni kwako, ngu mhaka ya kubiha ka ona; ni ti to a maha tiya, kasi kutsanisa dipswi di ene a nga xambanya ka vatate vako, Abrahamu, Isaake, ni Jakobe.

Dhewuteronome 34:4

Se Mkoma a to m'gela a txi khene: Adiya, ditiko di ni nga thembisa ngu txixambanyo ka Abrahamu, ka Isaake, ni ka Jakobe, ni txi khani: “Ani ni na di ningela ka liveleko lako! Ani ni di kombisile kwako, kasi ku u na di wona ngu maso ako, kambe awe khu na mbi wulela ka dona.”

1 Makronika 16:16

ka txitumelelano txi a nga txi maha ni Abrahamu, ni ka txixambanyo takwe ka Isaake;

Genesisi 13:17

Konkuwa, khukha u txi dhawula ditiko diya u wona kulapha ka dona ni kuanama ka dona, nguko ni na kuninga dona.”

Genesisi 28:4

Txizimu txi na ku ninge awe ni liveleko lako, kateko ya Abrahamu, kasiku u txi teka ditiko di u nga zumba ka dona, di maha dako, adi Txizimu txi nga ninga Abrahamu.”

Genesisi 35:7

Koneyo a ti ya aka txiluvelo, e raya wukhalowo ditina daku i Eli-Bheteli, nguko ngu koneyo Txizimu txi nga ti wonekisa kwawe, mbimo yi a nga txi thava masoni ka mkomwakwe.

Genesisi 35:12

Ani na kuninga ditiko di ni nga ninga Abrahamu ni Isaake, ni ka liveleko lako; ali li no maneka msana kwako.”

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Eksodha 17:15

Se Mosi a to aka txiluvelo e txi raya ditina daku “Mkoma m'jeke wangu.”

Eksodha 24:4

Se Mosi a manekile a txi bhala otshe mapswi a Mkoma, se ni mixo a to khukha eya aka txiluvelo hafuhi ka mmango, ni tiphande ta digumi ni timbidi ta marigwi, a txi dinganisa tihunzu ta digumi ni timbidi ta va ka Israyeli.

Mitengo 26:53

Ka vava di na abaniselwa ditiko di maha thomba yawe, kudingana ni mtengo wa matina.

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Joxuwa 8:30

Sekoko Joxuwa a to akela txiluvelo Mkoma, Txizimu txa Israyeli, mmangoni ka Ebhali,

Joxuwa 22:10

Ngako va di hokile hafuhi ka mnambo wa Jordhani, ditikoni ka Kanana, vanana va ka Rubheni, ni vanana va ka Gadhi, ni vanana va hafu ya lihunzu la ka Manasi, va to aka kona ha mabambe ka mnambo wa Jordhani, txiluvelo txa hombe, atxi txi nga txi woneka ni kule.

Valamuli 6:24

Sekoko Gidhiyoni a to aka konaho txiluvelo txa Mkoma, se a txi txi raya ku Mkoma i kuthutha, txiluvelo txiya txi nga diho kala ni nyamsi kona Ofira, ka Abhiyezeri.

1 Samuwele 7:17

Aniko a ti ti tshumelela Rama, nguko nyumba yakwe yi ti ti koneyo, a ti ti lamula kona va ka Israyeli, se a to aka koneyo txiluvelo txa Mkoma.

2 Samuwele 24:25

Se Dhavhidha a to aka koneho txiluvelo txa Mkoma, e ningela miphaxo ya kuhiswa ni mningelo wa kudikha. Koneko Mkoma a to tsetsa ditiko, se txitsayiso txile txi to guma txitimwi ka va ka Israyeli.

1 Vafumeli 18:32

Ngu marigwiyo Elija a to aka txiluvelo kasi kukhozela Mkoma; msana keto, a to tula txiselyana txo dingana digumi da malitro ni mambidi a mati.

1 Makronika 16:18

a txi khene: Ni na kuninga ditiko da Kanana, di maha thomba yanu.

2 Makronika 20:7

Awe Txizimu txathu hi nga awe u nga tutumisa vahanyi va ditiko diya masoni ka vathu vako va ka Israyeli, u di ningela ka vanana va Abrahamu mngana wako kani?

2 Makronika 20:11

Hi nga wona ti va hi mahelako tona, va lava ku hi tutumisa ve teka thomba yi u nga hi ninga.

Ezra 3:2

Se Jesuwa mwana Jezadhake, ni vanawe, ni vaphaxeli, ni Zorobhabheli, mwana Sealtiyeli, ni vanawe, va to aka txiluvelo txa Txizimu txa Israyeli, txo ningelela kona miphaxo, nga tile ti nga bhalwa Mlayoni ka Mosi, m'thu wa Txizimu.

Jeremiya 3:18

Ka onayo masiku nyumba ya ka Judha yi na longoloka kumweko ni nyumba ya ka Israyeli; va nata ngu wumbidi wawe ngu ditikoni ka Wuphemba, va txi ta ka ditiko di ni nga ninga vatate vanu kuva thomba yawe.