Genesisi 12:6 - Bhiblia Yo Sawuleka

⁶ Abramu a to tshawunyeta ditiko kala a txi ya hoka ka mkusu wa More, wu nga ti ka wukhalo wa Sikemi; sekoko Vakanana va ti akile ka dona ditiko diya.

Genesisi 12:6 Referans Kwoze

Vahebheru 11:9

Ngu likholo, ene a akile nga muwuyi ka ditiko di a nga ti thembisilwe, a txi zumba midhutini kufana ni Isaake ni Jakobe, vadyi-kulowe va yona thombeyo ya yimweyo ya txithembiso.

Dhewuteronome 11:30

Ina mimango yiya kha yi maneki mtxhatuko ka Jordhani, ngu msana ka nzila ya mswa-ditambo, ditikoni ka Vakanana, avale va nga aka kona Arabhe, masoni ka Giligali, hafuhi ni mikusu ya More kani?

Genesisi 35:4

Sekoko vona va to ningela ka Jakobe sotshe sithombe sa sizimu sa vamatiko, asi va nga ti naso, ni singeda ati va nga ti nato tinzeveni kwakwe, se Jakobe a to si kelela hahatshi ka mkusu wu wu nga ti hafuhi ni didhoropa da Sikemi.

Valamuli 7:1

Sekoko, Jerubhabheli (i ku Gidhiyoni), a to wuka ni mabimbi-kutxa, e tsula a txi ya gova ni vathu votshe vale a nga ti ti navo, hafuhi ni txisima txa Harodhi; se wugovelo wa Vamidhiyani wu ti ti maneka wuphemba, ka libala li li ku hahatshi ka mmango wa More.

Genesisi 13:7

Se ku ti ti ho kuphikizana hagari ka vadyisi va sifuyo sa Abramu ni vadyisi va sifuyo sa Loti, ka yona mbimo yile; sekoko Vakanana, Vaferezi va ti ti zumba kona ditikoni mule.

Mithumo 7:16

Kambe sirumbi sawe si rwatwe si yiswa Sikemi, si ya tshotshwa diyivani ka Abrahamu, adiya a nga ti di xavile ngu male ya silivhela ka vanana va Hemori, tate wa Sikemi.”

Johani 4:5

Se a to hoka ka m'ti wumwani wa Samariya, awu wu dhanwako ku i Sikari, hafuhi ni thembwe yi Jakobe a nga ninga Josefa, mwanana wakwe. Konaho ku ti ni txisima txa Jakobe.

1 Vafumeli 12:1

Se Robhowamu a to tsula Sikemi, nguko votshe va ka Israyeli va tile Sikemi, ku ta mmaha mfumeli.

Valamuli 9:1

Se Abhimeleki, mwana Jerubhahali, a to ya Sikemi ka tindiya ta mame wakwe, eya womba-womba navo, ni yotshe ngamu ya tate wa mame wakwe, a txi khene:

Joxuwa 24:32

Marambu a Josefa, aale vanana va ka Israyeli va nga ta nawo ngu Egipta, va ma kelete Sikemi, ka txitikwana txiya, Jakobe a nga ti xavile ka vanana va Hamori, tate wa Sikemi, ngu male ya dizana ya tisilivhela, se txitikwana txiya txi maha thomba ya vanana va ka Josefa.

Joxuwa 20:7

Sekoko va to sawula Kedhesi, ditikoni ka Galileya, mmangoni ka Naftali, ni Sikemi, mmangoni ka Efrayime, ni Kiriyati-Aribhe, i ku Hebroni, mmangoni ka Judha.

Genesisi 34:2

Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa.

Genesisi 33:18

Jakobe, ngako a di humile ngu Pedhani-Arani, a to hoka ngu kudikha didhoropani ka Sikemi, ditikoni ka Kanana, e gova, e gwimba ditenda dakwe, hafuhi ni didhoropa.

Genesisi 10:15

Se Kanana a velekile Sidhoni, matiwula akwe, ngu msana e veleka Heti,

1 Vafumeli 12:25

Se Jerobhowamu a to aka Sikemi, ka mmango wa Efrayime, e zumba konaho, a to khukha nguho eya aka Penuweli.

Masalmo 60:6

Txizimu txi wombile txiluveloni ka txona txi txi kha txona: “Ni na tsaka ni txi abanisa Sikemi ni na pima mkova wa Sukote!

Genesisi 34:30

Sekoko Jakobe a to womba ka Simiyoni ni ka Levhi, a txi khene: “Anu mi ni wusete dikhombo da hombe, ni livengo, masoni ka vanyamne va ditiko diya, Vakanana, ni Vaferezi: Athu hi vadotho, ngako vona va txo sengeletana ve hi wukela, hi na fuviswa, ani, ni mwaya wangu.”

Hoseya 6:9

Kufana ni mitxawa ya sigevenga si solelako m'thu, ngu toneto, mtxawa wa vaphaxeli va daya vathu va vayako Sikemi; ina, va maha to nyenyeza.