Genesisi 12:4 - Bhiblia Yo Sawuleka

⁴ Se Abramu a to khukha e tsula, nga ti Mkoma a nga m'gelisa tona, se Loti a to tsula nayo. Mbimo yi Abramu a nga khukha a ti ni tanga ya mtxhanu wa magumi ni magumi mambidi ni mtxhanu wa malembe, mbimo yi a nga khukha ngu Harani.

Genesisi 12:4 Referans Kwoze

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

Genesisi 11:31

Tera a to teka mwanana wakwe Abramu, ni mtukulu wakwe Loti, mwana Harani, ni mame wakwe Sarayi, msikati wa Abramu, e rura navo ditikoni ka Uri ka Vakaldheya, ve tsula ditikoni ka Kanana, aniko, va di hokile ditikoni ka Harani, va to aka ve zumba kona.

Genesisi 11:27

Ngu liya liveleko la Tera. Tera a to veleka Abramu, ni Nahori, ni Harani. Harani a to veleka Loti.

Mithumo 7:4

Sekoko ene a to khukha ditikoni ka Vakaldheya, eya aka Karani. Kambe ngako tate wakwe a di fite, Txizimu txi mu rurisile txi mu tisa ka ditiko di anu mi nga aka ka dona konkuwa.

Vahebheru 6:15

Se Abrahamu, ngu kutimisela kwakwe, a to mana si a nga thembiswa sona.

Genesisi 16:3

Sekoko Sarayi msikati wa Abramu, a to teka Hagari, txithumi txakwe txa Muegipta, e txi ningela ka mwamna wakwe Abramu, eva msikati wakwe.

Genesisi 16:16

Abramu a ti ni mtxhanu wa magumi ni magumi mararu a malembe, ni mtxhanu wa malembe ni dimwedo, mbimo yi Hagari a nga veleka mwanana wakwe Ismayeli.

Genesisi 25:7

Kuhanya ka Abrahamu, nga 175 wa malembe.

Genesisi 28:10

Jakobe a to khukha Bherisebha e tsula Harani.

Genesisi 13:5

Loti a nga ti londetela Abramu, nene a ti ti ni mitxhambi ya tinvuta, ni tihomu, ni matenda.