Genesisi 12:3 - Bhiblia Yo Sawuleka

³ Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Genesisi 12:3 Referans Kwoze

Vagalatiya 3:8

Mibhalo ni yona, ngu kusongolela ku ti wona ti to Txizimu txi na hundulusa vamatiko ve maha valulami ngu kukholwa, yi zivisile ka Abrahamu mahungu awa amanene, yi txi kha yona: “Yotshe mifumo yi na katekiswa ngu kota yako.”

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Mitengo 24:9

A bukhwamile e baramela kufana ni ngonyamo ya matune, a txi nga ngonyamo ya mkati; i mani a no mkhukhisa kani? Va na kateka ava va ku katekisako. Se va na ruketelwe ava va mi ruketelako.”

Genesisi 26:4

Ani ni na maha ti to liveleko lako li txi tala ha mafuni nga tinyeleti ta nzumani, otshe matiko awa ni na ninga vatukulu vako, se ngu mhaka yawe, mifumo yotshe ya ha mafuni yi na katekiswa,

Genesisi 28:14

Liveleko lako li na tala nga lithulu la mafu, u na anda kala mswa-ditambo, ni wutxani, kala wuphemba ni wulambwe, ni tixaka totshe ta ha mafuni ti na katekiswa ngu mhaka yako ni mhaka ya liveleko lako.

Vagalatiya 3:16

Se sithembiso si mahilwe ka Abrahamu ni liveleko lakwe; Mibhalo kha yi wombisi ku “tiveleko takwe,” nga to va ta vathu vavangi; aniko yi ti “ni ka liveleko lako,” ati ti wombako m'thu mmweyo, i ku Kristu.

Genesisi 18:18

Kambe nguko Abrahamu a na va i di nyampanze wa mfumo wa hombe ni wa mtamo, kambe ngu mhaka yakwe, yotshe mifumo ya ha mafuni, yi na katekiswa.

Varoma 4:11

Nguko txikombiso txa wukwera a ningilwe kasiku txi maha txixambanyo txa wululami wu a nga amukela ngu kukholwa na a sinzi kuyiswa wukwerani; ngu toneto ene a mahile tate wa va va kholwako, hambi i di makhutu, kasiku ni vona ve mana wululami.

Eksodha 23:22

Aniko ngako u txi engisa ngu kuthembeka u txi maha totshe atile ni no kugela, sekoko ni na va ni di mlala wa valala vako ni txi wukela avale va kuphikako.

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

Mtuletelo 7:9

Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Genesisi 30:27

Sekoko Labhani a to mxamula a txi khene: “Ngako ni di mani mathomo masoni kwako, zumba ni nani. Ni zivisilwe ngu txiwoniso ti to Txizimu txi ni katekisile ngu mhaka yako.

Vakolosa 3:11

Konaho, kha ku nga ngadi ni Mugriki mwendo Mujudha, awu a nga ya wukwerani mwendo dikhutu, wa matiko, mwendo mukita, khumbi mwendo mthuseki, aniko ku na ni Kristu dwe, i ku sotshe ka votshe.

Genesisi 39:5

Kukhukhela ka txikhati txi Josefa a nga vekwa ha wukhaloni ko xayisa m'ti wa Potifari ni sotshe si si nga ti mlumba, Mkoma a to katekisa nyumba ya Muegipta, ngu mhaka ya mathomo a Josefa. Kateko ya Mkoma yi to hokela sotshe si a nga ti naso ha m'tini kwakwe, ni thembweni kwakwe.

Genesisi 30:30

Nguko asi sa sidotho u nga ti naso ni sinzi kuta, si engetetwe ngutu; ni Txizimu txi kukatekisile ngu mhaka yangu. Se konkuwa, ngu yihi mbimo ni no khata ngu yona kuthumela mwaya wangu kani?”

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

Luka 24:27

Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Genesisi 24:35

Mkoma a katekisile ngutu nyamne wangu, e maha nyatithombe wa hombe: A mningile tinvuta ni tihomu, silivhela ni nzalama, sithumi sa txiwamna ni sa txisikati, makamelu ni timbongola.”

Genesisi 25:11

Msana ka kufa ka Abrahamu, Txizimu txi katekisile mwanakwe Isaake; Isaake a ti ti akile hafuhi ni Bheheri-Lahayi-Royi.

Genesisi 26:29

Hi thembise ti to khu na mbi hi mahela kubiha ni ka kudotho, nga ti nathu hi nga mbi kukaratisa, hi kuleka u khukha ngu kuthutha. Se u katekisilwe ngu Mkoma Txizimu.”