Genesisi 12:2 - Bhiblia Yo Sawuleka

² Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Genesisi 12:2 Referans Kwoze

2 Samuwele 7:9

Se ni tsute ni nawe, ni hani mu u ngaya kona, kambe ni xasete valala masoni kwako, ni kulisa ditina dako, kufana ni matina a vahombe va va kuho ha mafuni.

Vagalatiya 3:14

Atiya ti mahekile kufela ku kateko ya Abrahamu yi txi hokela vamatiko ngu Jesu Kristu, se ngu konaho nathu hi txi mana kuamukela ngu likholo wona Moya, i ku txihiwa txi txi nga thembiswa.

Genesisi 18:18

Kambe nguko Abrahamu a na va i di nyampanze wa mfumo wa hombe ni wa mtamo, kambe ngu mhaka yakwe, yotshe mifumo ya ha mafuni, yi na katekiswa.

Genesisi 35:11

Se Txizimu txi m'gete kambe, txi txi kha txona: “Ani ngani Txizimu txa mtamo wotshe. Velekelanani mi txi anda. Ngu kwako ku na humelela mfumo, ni matiko o tala, ni vafumeli va na huma ngu kwako.

Genesisi 46:3

Txizimu txi to kha txona: “Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe.

Genesisi 26:4

Ani ni na maha ti to liveleko lako li txi tala ha mafuni nga tinyeleti ta nzumani, otshe matiko awa ni na ninga vatukulu vako, se ngu mhaka yawe, mifumo yotshe ya ha mafuni yi na katekiswa,

Genesisi 24:35

Mkoma a katekisile ngutu nyamne wangu, e maha nyatithombe wa hombe: A mningile tinvuta ni tihomu, silivhela ni nzalama, sithumi sa txiwamna ni sa txisikati, makamelu ni timbongola.”

Vagalatiya 3:7

Ngu konaho, ti ziveni ti to ava va kholwako ngu vona i ku vanana va Abrahamu.

Eksodha 1:7

vanana va ka Israyeli va to velekelana ve anda ngutu; kambe va manekile va txi tala, ni kuva ni mtamo, aha koza ditiko da Egipta di txi tala ngutu ngu vona.

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Genesisi 15:5

Sekoko Txizimu txi to teka Abramu txi mu yisa hahanze, txi txi kha txona: “Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.”

Dhewuteronome 26:5

Sekoko awe u na womba ka Mkoma, Txizimu txako, u txi khawe: “Tate wangu, i ti Muaramu wa mpepeseki, ene a relete ditikoni ka Egipta, a txi ya aka kona, a di ni vathu vavadotho; ngu msana a mahile mfumo wa hombe, wa mtamo, wa vathu votala.

Eksodha 32:10

Sekoko, konkuwa ni leke; ati to kuhenya kwangu ku txi tura masoni kwawe, ni txi va lovisa. Aniko ni na maha ngu ngawe mfumo wa hombe.”

Genesisi 28:14

Liveleko lako li na tala nga lithulu la mafu, u na anda kala mswa-ditambo, ni wutxani, kala wuphemba ni wulambwe, ni tixaka totshe ta ha mafuni ti na katekiswa ngu mhaka yako ni mhaka ya liveleko lako.

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Genesisi 19:29

Ngu toneto, mbimo yi Txizimu txi nga haxula madhoropa ale a libalani, txi to alakanya Abrahamu, se txi hulukisa Loti ka kuhaxulwa ka madhoropa awa Loti, a nga ti akile ka ona.

Varoma 4:11

Nguko txikombiso txa wukwera a ningilwe kasiku txi maha txixambanyo txa wululami wu a nga amukela ngu kukholwa na a sinzi kuyiswa wukwerani; ngu toneto ene a mahile tate wa va va kholwako, hambi i di makhutu, kasiku ni vona ve mana wululami.

Mitengo 14:12

Kukhukhela konkuwa, ni na va limata ngu mtungu, ni txi va hetisa; msana kwawe, ni na maha limwani lixaka ngu ngawe, ni mfumo wa hombe, wa mtamo kupinda vona.”

1 Vafumeli 1:47

Se sithumi sa mfumeli si tile si ta tsakela nyamne wathu, mfumeli Dhavhidha, si txi kha sona: Txizimu txako txi na mahe ditina da Solomoni dive da txhuko kupinda dako; kambe mfumo wakwe wu na mahe wa hombe kupinda wako. Se mfumeli a to nama ha m'bhedhuni kwakwe.

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Genesisi 24:1

Abrahamu koko a ti ti kumbile ngutu, a ti ni malembe o tala; se Mkoma a katekisile Abrahamu ka totshe.

Genesisi 25:11

Msana ka kufa ka Abrahamu, Txizimu txi katekisile mwanakwe Isaake; Isaake a ti ti akile hafuhi ni Bheheri-Lahayi-Royi.

Genesisi 26:3

U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

Mitengo 22:12

Sekoko Txizimu txi to gela Bhalahamu txi txi kha txona: “U nga tsule navo. Khu na mbi va xula evo vathu, nguko va katekisilwe.”

Mitengo 23:20

Wona taku, ni amukete txirumo txo katekisa; Txizimu txi katekisile, se ani kha ni na mbi hundulusa.

Masalmo 107:38

Se Mkoma a to va katekisa a txi va andisa ngutu asi hunguli mtengo wa sihari sawe sa sifuyo.

Ezekhiyele 34:26

Se ka tona, ni makhalo ma nga randela simangwana, ni na thela kukateka; ni na nisa mati ngu mbimo ya kona; ma nava mati a makatekwa.

Zakariya 8:13

Se ku na maheka awe nyumba ya ka Judha, ni nawe nyumba ya ka Israyeli tito, nga kule anu mi nga ruketelwa hagari ka matiko, ni na mi hanyisisa toneto, mi va txikateko; mi nga thaveni, ma na ti karate manza anu.

Genesisi 17:20

Ngu didhawa da Ismayeli nene, ni engisile txikombelo txako, ni na mkatekisa, ni andisa ngutu liveleko lakwe, a na veleka digumi da vakoma ni vambidi, ani liveleko lakwe li na maha mfumo wa hombe.

Jobe 35:8

Wubihi wako wa maha ta walo ka mmwani m'thu; ni kululama kwako ka vhuna mwanana wa mkwanu.

Isaya 51:2

Wonani ka Abrahama tate wanu, ni ka Sara awu a nga mi veleka; nguko ni m'dhani a di ekha, kambe ni mkatekisile, ni tshumela ni muandisa.