Genesisi 12:18 - Bhiblia Yo Sawuleka

¹⁸ Sekoko Faro a to dhana Abramu a txi m'gela ku khene: “Ngu kutxani u txi ni mahela mhaka yiya kani? Ngu kutxani u nga mbi ni gela ti to ene msikati wako kani?

Genesisi 12:18 Referans Kwoze

Mavingu 21:1

Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.

1 Samuwele 14:43

Sekoko Sawule a to khene ka Jonatani: Ni gele ti wu nga maha. Se Jonatani a to m'gela a txi khene: Ni to danzanyana wulombe wa wudotho ngu tshoka ya donga yi ni nga ti nayo manzani; se ni fanela kufa kani?

Joxuwa 7:19

Sekoko Joxuwa a to khene ka Akane: “Mwanangu, na ku kombela, dhumisa Mkoma, Txizimu txa ka Israyeli, u txi ti sola masoni kwakwe; womba kwangu kona kuwa ati u nga maha, u nga ni sisele.”

Eksodha 32:21

Mosi a to womba ka Aroni a txi khene: “Njitxani va nga ku mahela vathu vava, aha koza va txi ti wuyisela txionho txa hombe txo nga txiya kani?”

Genesisi 44:15

Josefa a to wotisa, a txi khene: “Njitxani atxiya mi nga txi maha kani? Mi si ti zivi to m'thu wo nga ani wa tiziva kuhuta kani?”

Genesisi 31:26

Sekoko Labhani a to womba ka Jakobe a txi khene: “Njitxani u nga maha ngu ku ni kanganyisa, u txi teka vanana vangu va mahorona nga tikhumbi ta ku ti mana yimbini, kani?”

Genesisi 4:10

Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

Genesisi 3:13

Se Mkoma Txizimu a to wotisa ka wamsikati a txi khene: “U mahile txani kani?” Se wamsikati a txi khene: “Ni to xengwa ngu mnyoka se ni dya.”

Genesisi 12:19

Ngu kutxani u nga khawe i ndiyangu kani? Ngu mhaka yeto, ni mtekile a txi mmaha msikati. Se konkuwa, ndiyo msikati wako, mteke, u txi tsula nayo.”

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Genesisi 29:25

Mangwanani ka kona ni mixo, Jakobe a to wona ti to i Leya a nga ningwa, se Jakobe a to womba ka Labhani, a txi khene: “Njitxani u nga ni mahela kani? Ina kasi ani kha na thumela Rakeli m'tini kwako kani? Ngu kutxani u txi ni kanganyisa kani?”

Valamuli 2:2

Se anu koko, mi nga maheni txitumelelano ni vaaki va ditiko diya; aniko khundumuselani siluvelo sawe.” Kambe anu, kha ma engisa dipswi dangu. Ngu kutxani mi nga mahetela toneto kani?

2 Samuwele 3:24

Sekoko Jowabhi a to wulela ka mfumeli, a txi khene: U mahile txani kani? Wona taku, Abhineri a tile kwako; ngu kutxani koko, u nga mleka e tsula ngu kudikha kani?