Genesisi 12:15 - Bhiblia Yo Sawuleka

¹⁵ Tinduna ta Faro, ngako ti di muwoni wamsikati, ti to ya womba ngu mapswi a ku m'dhumisa ka Faro. Se wamsikati a to tekwa e yiswa nyumbani ka Faro.

Genesisi 12:15 Referans Kwoze

Genesisi 20:2

Koneyo, Abrahamu a txi womba ngu msikati wakwe Sara, a txi khene i ndiyakwe, se Abhimeleki mfumeli wa Gerara e ruma kuya teka Sara.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Jeremiya 46:17

Va to peka huwa konaho: Faro, mfumeli wa Egipta, diguwa da walo; “a tshotshile walo mbimo.”

Mavingu 29:12

Mthangeli wule a engiselako timhaka ta makuhu, a na pimisa taku sotshe sithumi sakwe mbaonhi.

Mavingu 6:29

Ti na nga toneto ka wule a wulelako ka msikati wa mwakelani wakwe; ni wihi wule a no m'gwesa kha na mbi pwata mnandu.

Masalmo 105:4

Tutumelani ka Mkoma ni ka mtamo wakwe; lavani khohe yakwe yotshe mbimo.

2 Vafumeli 18:21

Na ti wona to u themba mtxheketelo wule wa litshava lo funyeka, kona Egipta, aha kaku m'thu a txo khigetela ka lona, li na mthola manzani li dhoda ka dimwani didhawa; ngu nga toneto nene Faro mfumeli wa Egipta, ka vale va mthembako.

1 Vafumeli 3:1

Se Solomoni a to va ni wuxaka ni Faro, mfumeli wa Egipta, a to teka mwanana wa Faro wa dihorana, e mtisa m'tini ka Dhavhidha, kala ha a nga heta kuaka nyumba yakwe, ni Nyumba ya Mkoma, ni diguma do ranganyeta Jerusalema.

Eksodha 2:15

Faro a di engisile mhakeyo, a to ruma ti to Mosi a txi ñolwa kasi ku e m'daya. Aniko Mosi a to thava masoni ka Faro, e tsula ditikoni ka Midhiyani, amu a nga ya zumba hafuhi ni txisima.

Eksodha 2:5

Se mwanana wa Faro wa dihorana, a to relela eya mnamboni, kasiku eya samba, na kuve sithumi sakwe sa vavasikati si ti tsimbila-tsimbila likasani ka mnambo. Konako a to wona disexita hagari ka makhagala, e ruma mmweyo wa sithumi sakwe, ti to eya di teka.

Genesisi 41:1

Se msana ka malembe mambidi, Faro a to lora mloro, e lora a di emile mabambe ka mnambo wa Nilo.

Genesisi 40:2

Se Faro a to henyela ngutu mithenwa yakwe ya yimbidi, ni mthangeli wa vatheleli va so sela, ni mthangeli wa vabhiki va mapawu.

Ezekhiyele 32:2

Awe mwanana wa m'thu, wusa txidilo txitimwi ka Faro, mfumeli wa Egipta, u txi khawe: U ti ti fana ni txingonyamwana ka matiko, kambe awe u ti ti nga ngwenya tineneni, u txi bhanda minambo yako, ni ku vhilusa mati ngu mikondo yako, se u txi nzihatisa minambo yako.

Jeremiya 25:19

Hambi Faro, mfumeli wa Egipta, ni maxonga akwe, ni tinduna takwe, ni votshe vathu vakwe;

Genesisi 12:14

Mbimo yi Abramu a nga wulela Egipta, Vaegipta va ti woni to awule wamsikati a tshurile ngutu.

Genesisi 26:7

Se vavamna va wukhalo wule, va to mu wotisa madingano ni msikati wakwe, ene a to khene: I ndiyangu, ene a ti ti thava kuwomba tito: “Msikati wangu,” ngu kupimisa ti to vathu va wukhalowo, va nga m'daya ngu mhaka ya Rebheka, nguko ene a ti tshurile ngutu.