Genesisi 12:13 - Bhiblia Yo Sawuleka

¹³ Na ku kombela, u ndiyangu kasi ku ni txi mana kuamukelwa ngu nzila ya yinene, ni kumana kambe kulekwa ni hanya, ngu mhaka yako.

Genesisi 12:13 Referans Kwoze

Genesisi 26:7

Se vavamna va wukhalo wule, va to mu wotisa madingano ni msikati wakwe, ene a to khene: I ndiyangu, ene a ti ti thava kuwomba tito: “Msikati wangu,” ngu kupimisa ti to vathu va wukhalowo, va nga m'daya ngu mhaka ya Rebheka, nguko ene a ti tshurile ngutu.

Genesisi 20:2

Koneyo, Abrahamu a txi womba ngu msikati wakwe Sara, a txi khene i ndiyakwe, se Abhimeleki mfumeli wa Gerara e ruma kuya teka Sara.

Genesisi 20:5

Abrahamu ngene a nga womba, a txi khene: ‘I ndiyangu’, ni nene wamsikati, e womba toneto, a txi khene: ‘I ndiyangu’. Ni mahile tiya ngu mbilu ya yinene ni manza o lulama.”

Ezekhiyele 18:4

Wonani taku yotshe mihefemulo njangu; nga kule muhefemulo wa tate i ku wangu, muhefemulo wa mwanana ni wona mbwangu; muhefemulo wule wu no onha, ewo wu na fa.

Isaya 57:11

Se u thava mani mwendo kudhudhumela, aha koza u hemba u si ni alakanyi, mwendo ku ni veka mbiluni kwako kani? Ina hi nga mhaka ya kule ni nga malala kukhukhela kale, se u si ni thavi kani?

Genesisi 11:29

Abramu ni Nahori va to teka vasikati. Msikati wa Abramu a ti dhanwa ku i Sarayi, msikati wa Nahori a ti dhanwa ku i Milka, mwanana wa dihorana wa Harani, i nga ti tate wa Milka ni Jesika.

Vakolosa 3:6

Asiya ngu sona si dhanako kuhenya ka Txizimu, ka va va eyisako,

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Genesisi 12:14

Mbimo yi Abramu a nga wulela Egipta, Vaegipta va ti woni to awule wamsikati a tshurile ngutu.

Jeremiya 38:17

Sekoko, Jeremiya a to khene ka Zedhekiya: Mkoma, Txizimu txa Mabutho a Tiyimbi, Txizimu txa ka Israyeli, a khene: Ngako u txi huma u ya ti ningeka ka vanana va mfumeli wa Bhabhilona, se awe u na hanya, ni didhoropa diya kha di na mbi hiswa ngu mndilo; u na hanya awe ni nyumba yako.

Jeremiya 38:20

Jeremiya a to khene: Kha va na mbi kuningela; hi nga engisa dipswi da Mkoma, adi ni ku gelako dona; u na zumbiseka u hanya.