Genesisi 12:11 - Bhiblia Yo Sawuleka

¹¹ Mbimo yi a nga wona ti to a hafuhi ni kuwulela Egipta, Abramu a to khene ka msikati wakwe Sarayi: Wa ti wona: Na tiziva ti to awe u woneka u di msikati wo tshura ngutu.

Genesisi 12:11 Referans Kwoze

Genesisi 26:7

Se vavamna va wukhalo wule, va to mu wotisa madingano ni msikati wakwe, ene a to khene: I ndiyangu, ene a ti ti thava kuwomba tito: “Msikati wangu,” ngu kupimisa ti to vathu va wukhalowo, va nga m'daya ngu mhaka ya Rebheka, nguko ene a ti tshurile ngutu.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Genesisi 29:17

“Kambe Leya a ti ni maso o wumela, aniko Rakeli a ti ni txiemo txa txinene ni khohe yo tshura.”

Genesisi 12:14

Mbimo yi Abramu a nga wulela Egipta, Vaegipta va ti woni to awule wamsikati a tshurile ngutu.

Ndando ya Tindando 1:14

Ku nga txizangwa txa Xipre, tithembweni ka Engedhi, txirandwa txangu txi lumba ani.

2 Samuwele 11:2

Se ku to maheka tito, ni minova, Dhavhidha a to wuka ngu ha m'bhedhuni kwakwe, e tsimbila-tsimbila txitimwi ka nyumba ya wukoma, kambe a di txitimwi ka nyumba a to wona wamsikati a txi kuwula; se wamsikati wuwa i ti wo tshura ngutu.

Genesisi 20:2

Koneyo, Abrahamu a txi womba ngu msikati wakwe Sara, a txi khene i ndiyakwe, se Abhimeleki mfumeli wa Gerara e ruma kuya teka Sara.

Genesisi 24:16

Muhoraneyo Rebheka a ti ti tshurile ngutu, i ti ti mbiri, a ti sanzi kutekwa ngu wamwamna; ene a to relela txisimani, e tata lidhuwa lakwe, e kwelela.

Genesisi 6:2

vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe.

Genesisi 20:13

Sekoko, mbimo yi Txizimu txi nga ni humisa m'tini ka tate wangu, ni txi pepeseka ni ditiko, ni gete msikati wangu, ni txi khani: “Ni kombela u txi ni mahela wumbilu wuwa, ka otshe makhalo awa hi no maneka hi di kona, womba ti to ani ni ndiyako.”

1 Samuwele 25:3

Ditina da wamwamna wuwa i ti ti Nabhali, se ditina da msikati wakwe i ti Abhigayeli; wamsikati wuwa i ti m'thu wo ziva ngutu ni kutshura, kambe mwamna wa kona i ti ti m'thu wo karata wa mithumo yo biha; wa nyumba ya ka Kalebhi.

1 Vafumeli 1:4

I ti ti muhorana wo tshura ngutu; se a to xayisa mfumeli ni ku mthumela; hambi keto mfumeli ka nga zivana nayo.

Mavingu 29:25

Dijowa da m'thu di na riya milawu, kambe awule a thembako ka Mkoma, a na vekwa ka wukhalo wo guleka.