Genesisi 12:1 - Bhiblia Yo Sawuleka

¹ Sekoko Mkoma a to khene ka Abramu: “Rura ditikoni kwanu u leka maxaka ako ni nyumba ya vaveleki vako, u tsula ka ditiko di ni no kukomba.

Genesisi 12:1 Referans Kwoze

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

Nehemiya 9:7

Ngawe Mkoma Txizimu, u nga sawula Abramu, u mthavisa ka Uri wa Vakaldheya, u mraya ditina daku i Abrahamu.

Isaya 51:2

Wonani ka Abrahama tate wanu, ni ka Sara awu a nga mi veleka; nguko ni m'dhani a di ekha, kambe ni mkatekisile, ni tshumela ni muandisa.

Genesisi 15:7

Mkoma a to khene ka Abramu: “Ani ni Mkoma wu a nga kuhumisa Uri ka Vakaldheya, kasi ku ni txi ku ninga ditiko diya, di maha thomba yako.”

Ezekhiyele 33:24

Awe mwanana wa m'thu, ava va zumbako ka makhalo awa a siwula, va womba-womba va txi kha vona: “Abrahamu i ti ti ene ekha nyamne wa mafu awa; kambe athu hi vangi; hi ningilwe ditiko diya ku va thomba yathu.”

2 Vakorinto 6:17

Ngu toneto, “humani hagari kwawe, mi txi hambana navo. Mi nga gweseni txilo txo mbi basa, se ani ni na mi amukela, kuwomba Mkoma,”

Isaya 41:9

Awe ni nga kuteka kukhukhela magwito ka mafu, ni txi kudhana ngu hagari ka makhalo ako amanene ngutu, ni txi khani: Awe u txithumi txangu, ni kusawute, kha na kuleka;

Mtuletelo 18:4

Ni engisile kambe dimwani dipswi da nzumani, di txi kha dona: “Anu vathu vangu, humanimo, kasiku mi si manwi ngu mnandu wa sionho sakwe; ni kutshapelwa ngu mitungu yakwe;

Genesisi 20:13

Sekoko, mbimo yi Txizimu txi nga ni humisa m'tini ka tate wangu, ni txi pepeseka ni ditiko, ni gete msikati wangu, ni txi khani: “Ni kombela u txi ni mahela wumbilu wuwa, ka otshe makhalo awa hi no maneka hi di kona, womba ti to ani ni ndiyako.”

Genesisi 24:4

aniko u na tsula ka maxaka angu, eyo u na ya lowolela msikati mwanana wangu Isaake.”

Genesisi 26:2

Mkoma Txizimu a ti wonekisile ka Isaake, a txi m'gela tiya: “U nga relele u txi ya Egipta; zumba ka ditiko di ni no kukomba dona.

Isaya 37:12

Ina ma nga va ma di txhatxhisilwe ngu sizimu sa matiko ale va nga ma fuvisa vatate vangu, i ku awa: Gozani, Harani, Razefe, ni vanana va ka Edheni, va nga txi zumba Telasari kani?

Genesisi 24:7

Mkoma, Txizimu txa nzuma, awu a nga ni teka nyumbani ka tate wangu ditikoni mu ni nga velekelwa kona, awu a nga ni gela ngu kuxambanya a txi khene: Ni na ningela ditiko diya ka liveleko lako, ene a na ruma ngelozi yakwe masoni kwako, se u na ya lowolela kheyo msikati mwanana wangu.

Genesisi 24:38

“Aniko tsula ka nyumba ya tate wangu, se koneyo u na ya tekela mwanana wangu msikati, wa lixaka la ka kwathu.”

Mitengo 10:30

Kambe Hobhabhe a to khene kwakwe: “Kha ni na mbi tsula; aniko, ni na tsula ka maxaka angu, ditikoni kwathu.”