Genesisi 11:7 - Bhiblia Yo Sawuleka

⁷ A hi txhikeni hi txi ya hambanisa lidimi lawe, kasi ku mmwani asi swi a txi engisa lidimi la mmwani.”

Genesisi 11:7 Referans Kwoze

Masalmo 33:10

Mkoma wa vhinganyisa makungo a matiko; ene wa va thindekisa kumaha makungo awe.

Masalmo 55:9

Va hangalase, Mkoma, u hambanisa tidimi tawe, nguko ni wona tshofu ni vhilinganya didhoropani.

Genesisi 1:26

Se Txizimu txi to kha txona: “A hi vangeni m'thu ngu txifaniso txathu e fana ni nathu; se a na fumela sihaka sa linene, ni sinyana sa nzuma, ni sifuyo, ni otshe mafu, ni sihari sotshe so tsimbila ngu dibindi txitimwi ka mafu.”

1 Vakorinto 14:23

Ngu toneto, ngako di txi tshangana dotshe dibanza msengeletanoni, se votshe va txi womba-womba ngu tidimi to hambana, se konako ku txi wulela vathu vo mbi tiziva, mwendo va va si kholwiko, ina kha va na mbi womba ti to mi bharukile, kani?

Jeremiya 5:15

Wonani taku ni na mi tisela vathu va kule, anu va nyumba ya ka Israyeli, kuwomba Mkoma, ditiko da hombe, ditiko da kale, adiya lidimi la kona mi no li timelela; kambe khu na mbi ti pima ti va no womba-womba.

Masalmo 2:4

Awule a zumbako nzumani wa va seka, Mkoma wa va tseketsela.

Jobe 12:20

Ka vale vo thembeka, txa thavisa dipswi, txi tshumetela mapimo vale vo kumba.

Dhewuteronome 28:49

Mkoma a na ku tisela mfumo wa kuta ngu kule, mfumo wa magwito ka mafu, awule wu nota ngu kupuruma nga ngungwa, mfumo wu wu wombawombako ngu lidimi li awe u si li ziviko.

Isaya 6:8

Msana keto, ni to pfa dipswi da Mkoma di txi kha dona: Ni na ruma mani, i mani a no hi yela kani? Sekoko ni txi khani: Ngani wuwa, ni rume ani!

Genesisi 42:23

Kambe va ti si ti zivi ti to Josefa wa va engisa, nguko a ti womba-womba navo ngu mtxhamuseli.

Genesisi 11:5

Sekoko Mkoma, ngu konaho, a to relela, kasi kuya wona didhoropa ni txitezi txi vanana va vathu va nga ti aka.

Genesisi 10:20

Ngu vona vava vanana va Kame, ngu tihunzu tawe, ni tidimi tawe, matiko awe, ni mifumo yawe.

Genesisi 3:22

Sekoko Mkoma Txizimu a to khene: “Wonani, m'thu a hindukile, a txi nga athu, kuziva ta tinene ni to biha. Konkuwa, kulaveka ku ene a si nawuluti dianza kasiku nene a txi hapha muhando wa mndonga wa wutomi edya, e hanya kala kupinduka.”

Genesisi 10:32

Ngu yiya mimwaya ya vanana va Nowa, ngu tiveleko tawe ni mifumo yawe; se yi khukhete ka vava yotshe mifumo yi yi nga hangalaka ha mafuni, msana ka ndambi.

Genesisi 10:5

Kukhukhela ka vava, ku tumbulukile votshe vathu va va zumbako sitondoloni, na mazumbelo awe ma txi ya ngu tixaka tawe, ni tidimi tawe, ni mafumelo awe.

Eksodha 4:11

Se Mkoma a to mxamula a txi khene: “I mani a nga va nga txisofu txa m'thu kani? Mwendo i mani a nga maha txiduma mwendo diphanzeve, awule a wonako ni wule i ku dibhofu kani? Ina hi nga ani Mkoma kani?

Isaya 33:19

Khu na mbi ngadi u wona vathu vale va sidayi, vathu va kuwombawomba ko nemela, ti si kotekiko ku va pima, va wombawombelo ya walo, ti si kotekiso kuyipfisisa.