Genesisi 11:4 - Bhiblia Yo Sawuleka

⁴ Va to kha vona: “A hi ti akeleni didhoropa ni txitezi, atxiya txiroro txa kona txi no hoka nzumani, se ditina dathu di na va ni nduma, kasi ku hi si hangalaswi ka otshe mafu.”

Genesisi 11:4 Referans Kwoze

Dhewuteronome 1:28

Hi na kwela hi txiya hani kani? Vanathu va hi wite misana, ngu ku kha vona: Vathu va kona mbavangi ngutu kupinda athu, kambe mba nyasihakate, madhoropa a kona nga hombe, ma ku ni maguma o guleka kala nzumani. Kambe koneyo hi woni ni vanana va Anaki.

Johani 5:44

Mi nga kholwisa kutxani, anu mi dhumisanako ngu txanu, mi si laviko wudhumo wu wu tako ngu ka Txizimu txi i ku tximwetxo dwe.

Luka 1:51

A thumile ta hombe ngu diwoko dakwe, a hangalasile ava va nga txi ti kukumukisa ka mialakanyo ya timbilu tawe.

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Mavingu 10:7

Ku alakanywa ka wo lulama ku katekile, aniko ditina da vaonhi di na sina.

Dhewuteronome 9:1

Awe Israyeli, engisa: Nyamsi u na txhatuka mnambo wa Jordhani, kasi kuya khozisa mifumo ya hombe ngutu, ni mtamo wa hombe kupinda awe, ni madhoropa a hombe o bhiywa ngu diguma do lapha kala nzumani.

2 Samuwele 8:13

Dhavhidha a to mana nduma, mbimo yi a nga wuya ngu kudayani ka Vasiriya va 18.000, mkovani ka Mnyu.

Dhaniyeli 4:11

Mndonga wa kona wu to kula, wu banga, wu lapha kala wu gwesa nzumani; wu woneka kotshe ha mafuni.

Genesisi 6:4

Ka yona yile mbimo, ha mafuni ku ti ti ni vanyasihakate va nga velekwa, mbimo yi vanana va Txizimu va nga tekana ni mahorana, ya i ku vanana va vathu, ve veleka vanana. Ngu vonevo tindena ta nduma ta mbimo ya kale.

Dhaniyeli 4:22

Ngawe, awe mfumeli, u nga kula, u txi tsana; wuhombe wako wu kute wuza wu hoka nzumani, ni mfumo wako wu hokile magwito ka mafu.

Masalmo 92:9

Kha ditshuri, Mkoma, valala vako va na fuviswa, votshe vabihi va na hangalaswa.

Dhewuteronome 4:27

Mkoma a na mi hangalasa hagari ka vamatiko, se mi na sala mi di va mtengo wa wudotho, hagari ka mifumo yiya, Mkoma a no va a txi mi yisa ka yona.

Masalmo 107:26

sitimela sa mati sa rinzwa si txi ya txitimwi, si relela si txi ya hahatshi ka kueta. Se vathu ve rereka ngu kuthava phango;

Jeremiya 51:53

Hambi i di kova ku Bhabhilona a nga kwela nzumani, mwendo kutsanisa kuguleka ka diguma dakwe, ni ndi na m'rumela vaxaseli, kuwomba Mkoma.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.