Genesisi 11:31 - Bhiblia Yo Sawuleka

³¹ Tera a to teka mwanana wakwe Abramu, ni mtukulu wakwe Loti, mwana Harani, ni mame wakwe Sarayi, msikati wa Abramu, e rura navo ditikoni ka Uri ka Vakaldheya, ve tsula ditikoni ka Kanana, aniko, va di hokile ditikoni ka Harani, va to aka ve zumba kona.

Genesisi 11:31 Referans Kwoze

Nehemiya 9:7

Ngawe Mkoma Txizimu, u nga sawula Abramu, u mthavisa ka Uri wa Vakaldheya, u mraya ditina daku i Abrahamu.

Genesisi 24:10

Txithumi txi to teka digumi da makamelu ka mtxhambi wa makamelu a nyamne wa txona, se txi txi teka simaha ka sotshe sa sinene, asi nyamne wakwe a nga ti naso manzani kwakwe; txi tsula naso Mesopotamiya, ka didhoropa da Nahori.

Genesisi 12:4

Se Abramu a to khukha e tsula, nga ti Mkoma a nga m'gelisa tona, se Loti a to tsula nayo. Mbimo yi Abramu a nga khukha a ti ni tanga ya mtxhanu wa magumi ni magumi mambidi ni mtxhanu wa malembe, mbimo yi a nga khukha ngu Harani.

Genesisi 15:7

Mkoma a to khene ka Abramu: “Ani ni Mkoma wu a nga kuhumisa Uri ka Vakaldheya, kasi ku ni txi ku ninga ditiko diya, di maha thomba yako.”

Genesisi 11:32

Tera a hanyile 250 wa malembe, se ngu msana a fete Harani.

Genesisi 10:19

Muhingano wa Vakanana wu ti tiya ngu Sidhoni, wu txi komba kuya Gerara, kala Gaza, ni Sodhoma, ni Gomora, ni Adhama, ni Zebhoyimi, kala kuya gwitela Lasa.

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

Genesisi 27:43

Konkuwa, mwanangu, ni engise: Khukha, thava, u txi ya ka Labhani ndiyangu, ditikoni ka Harani;

Genesisi 24:15

A txi ngadi e womba-womba, ku to bwaka Rebheka, mwana Bhetuweli, wa mwana Milka, msikati wa Nahori, mwanawe wa Abrahamu, a di ni lidhuwa hadikata.

Genesisi 12:5

Abramu a to teka Sarayi msikati wakwe, ni Loti mwanana wa mwanawe, ni thomba yotshe yi va nga ti ti nayo, ni sithumi si va nga ti si mani ditikoni ka Harani, va txi khukha ve tsula ditikoni ka Kanana, kala va txi ya hoka ditikoni ka Kanana.

2 Vafumeli 19:12

Ina ma nga va ma di txhatxhisilwe ngu sizimu sa mifumo yile yi nga fuviswa, i ku madhoropa a Gozani, Harani ni Rasefi, ni ka vanana va Edheni, va nga txi zumba Telasari kani?

Jobe 1:17

A txi ngadi e womba-womba-wuwa, kutile mmwani mtumi, a txi ta khene: Vakaldheya va rumile mitxawa yiraru, yi honyola makamelu yi tsula nawo, yi daya vafana ngu ditxhari; ngani nokha ni nga huluka, kuva ni kutisela mahungu.

Isaya 37:12

Ina ma nga va ma di txhatxhisilwe ngu sizimu sa matiko ale va nga ma fuvisa vatate vangu, i ku awa: Gozani, Harani, Razefe, ni vanana va ka Edheni, va nga txi zumba Telasari kani?

Genesisi 14:12

Va to mñola nene Loti, awule a nga ti ti zumba Sodhoma, mwanana wa mwanawe wa Abramu, ni tithomba takwe, ve tsula naso.

Genesisi 28:10

Jakobe a to khukha Bherisebha e tsula Harani.