Genesisi 11:1 - Bhiblia Yo Sawuleka

¹ Sekoko kotshe ha mafuni, ku ti ti ni lidimi limwelo, ni mawombawombelo mamwewo.

Genesisi 11:1 Referans Kwoze

Mithumo 2:6

Txikhati txile va nga engisa diguwa dileya da txihuhuri, vathu va to sengeletana wukhalo wumwewo, ve tala ngu kuxamala, nguko mmwani ni mmwani a ti ti va engisa va txi womba-womba ngu lidimi la ka kwawe.

Zefaniya 3:9

Sekoko ni na sawulekisa sisofu sa vathu, kasiku votshe va txi khongela ditina da Mkoma, ve mthumela ngu moya wumwewo.

Isaya 19:18

Ka yona yile mbimo, ku nava ni mtxhanu wa madhoropa ditikoni ka Egipta, ma no womba-womba lidimi la Kanana, se ma na maha txixambanyo ka Mkoma wa Mabutho a Tiyimbi; dimwedo di na dhanwa ti to Didhoropa da Kuloviswa.

Genesisi 10:32

Ngu yiya mimwaya ya vanana va Nowa, ngu tiveleko tawe ni mifumo yawe; se yi khukhete ka vava yotshe mifumo yi yi nga hangalaka ha mafuni, msana ka ndambi.

Genesisi 11:2

Ti di ngeto, vathu va to khukha na va txita ngu wutxani, se ve mana libala ditikoni ka Sinari; ve ti akela ka lona.

Genesisi 11:6

Se Mkoma a to womba, a txi khene: “Wonani, taku mbathu vamwevo, kambe votshe mba lidimi limwelo. Akuwa va nga khatisa tiya, txi walo txo va tandekisa kumaha txilo, ka totshe ti va ti lavako.