Genesisi 10:7 - Bhiblia Yo Sawuleka

⁷ Vanana va Kuxe ngu vava: Sebha, ni Havhila, ni Sabhita, Rahama, Sabhiteka; se vanana va Rahama ngu vava: Sabha, Dhedhani.

Genesisi 10:7 Referans Kwoze

Ezekhiyele 27:22

Vanyamabhindu va Sabha ni Rama, i ti ti vona vaxavisi vako; ka sotshe sile so bhumula ngutu, ni ka otshe marigwi a lisima, kambe ngu nzalama va ti ti xavisa ka makhalo ako.

Ezekhiyele 27:15

Vanana va Dhedhani i ti ti vaxavi vako; sitondolo sasingi i ti ti makhalo a wukwewu wako; sitondolo sasingi i ti ti dibhindu da manza ako; va ti ti kuninga siningo sa makwasa a tinzofu ni mapulango a mtima.

Isaya 21:13

Mahungu o wukela Arabhiya. Ni wusiku mi na ya gova sitingani ka Arabhiya, anu vapfhumba va ka Dhedhani.

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

1 Vafumeli 10:1

Se mbimo yile mfumeli wa txisikati wa Sabha a nga pfa nduma ya Solomoni, madingano ni ditina da Mkoma, a tile e ta m'hika ngu siwotiso so karata.

Genesisi 2:11

Mnambo wo khata ditina da wona i Pizoni, awu wu ranganyetako ditiko da Havhila, amu ku manekako nzalama.

Genesisi 10:8

Kuxe a to veleka Namrodhe a nga va i di ndena yo khata ya mtamo ha mafuni.

1 Makronika 1:9

Se vanana va Kuxe ngu vava: Sebha ni Havhila, ni Sabhita, ni Rahama, ni Sabhiteka; se vanana va Rahama ngu vava: Sabha ni Dhedhani.

Jobe 1:15

Se Vasabhewu va to ta ti honyola, ve daya vafana ngu ditxhari; ngani nokha ni nga huluka, ni ku tiselako mahungu.

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

Ezekhiyele 27:20

Dhedhani a ti ti xaviselana ni nawe ngu tinguwo ta lisima to veka ha ka txikotxikani.