Genesisi 10:5 - Bhiblia Yo Sawuleka

⁵ Kukhukhela ka vava, ku tumbulukile votshe vathu va va zumbako sitondoloni, na mazumbelo awe ma txi ya ngu tixaka tawe, ni tidimi tawe, ni mafumelo awe.

Genesisi 10:5 Referans Kwoze

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Jeremiya 2:10

Hi nga wulelani miya txitondoloni ka Kilimu, mi ya wona; rumelani Kedhari, mi xolisisa kha kwati; mi wona ngako txilo txo ngeto txi khala kumaheka.

Jeremiya 25:22

ni votshe vafumeli va Tiro ni Sidhoni, ni vafumeli va sitondolo, si ku mtxhatuko ka linene;

Isaya 42:4

Kha na mbi pwateka, kambe kha na hambi funywa, kala kuza e veka wululamo ha mafuni. Se sitondolo si na vereka mlayo wakwe.

Genesisi 10:20

Ngu vona vava vanana va Kame, ngu tihunzu tawe, ni tidimi tawe, matiko awe, ni mifumo yawe.

Isaya 60:9

Ngu ditshuri, sitondolo si na ni verela, se kukhata, nzitimela sa Tarxixi, si no neha vanana vako, vale vatako ngu kule, va nata ni nzalama yawe ni silivhela yawe, kusawulekisani ka ditina da Mkoma, Txizimu txako, ni Msawuleki wa Israyeli, nguko a ku dhumisile.

Isaya 59:18

Madingano ni ti mithumo yawe yi ku ngu tona, va na va tshumetelisa toneto; kuhenya nga valala vawe, ni hakhelo ka vale valwako nayo; ene a na dihela sitondolo ngu fanelo.

Isaya 51:5

Kululama kwangu ku hafuhi, ni kuhanyisa kwangu ka humelela, se mawoko angu ma na lamula vathu; sitondolo si na ni verela, kambe si na themba diwoko dangu.

Isaya 49:1

Ni engiseni anu sitondolo, pfisisani anu vathu va kule! Mkoma a ni dhani, kukhukhela mndani ka mame wangu, kukhukhela msembeni ka mame wangu, a ni rayile ditina.

Isaya 42:10

Embelelani ka Mkoma dando ya yiphya, ni ku m'dhumisa kukhukhela magwito ka mafu, anu mi sambelako lineneni, ni sotshe si si ku ka lona; anu sitondolo, ni vaaki va sona.

Isaya 41:5

Sitondolo si ti woni, si thava; mafu otshe ma to zinginika, si to tshuketa, si txi ta.

Isaya 40:15

Wonani taku matiko ma fana ni dithotho da mati, di thothoketelako mu ka dibhaketi, ni ku nga lithulu la lidotho la sikaloni; sitondolo si fana ni tximaha txatxidotho ngutu.

Isaya 24:15

Ngu mhaka yeto, dhumisani Mkoma, amu mikovani, ni sitondoloni ka linene, ka ditina da Mkoma, Txizimu txa ka Israyeli.

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

Genesisi 10:25

Ngu ka Ebheri ku velekilwe vanana vambidi i ku vava: Wo khata ti ti Faleza, nguko ka mbimo yakwe vathu va hangalakile ni ditiko; mwanawe a ti dhanwa ku i Jokitani.

Genesisi 10:4

Vanana va Javhani ngu vava: Elixa, ni Tarxixi, ni Kitimi, ni Dhodhanima.

Genesisi 10:6

Vanana va Kame ngu vava: Kuxe, ni Mesirayime, ni Pute, ni Kanana.

Ezekhiyele 26:15

Mkoma Txizimu a khene ka Tiro: Ina sitondolo kha si na mbi deka-deka ngu diguwa da kuwa kwako, mbimo yile va no keta vale va no dayelwa, mbimo yile ya kudayelwa ko xamalisa hagari kwako kani?

Ezekhiyele 26:18

Konkuwa, si na zinginika sitondolo ngu ditshiku da kuwa kwako; sitondolo si ku lineneni, si na dhungeka ngu kukhukha kwako.

Dhaniyeli 11:18

Msana keto, a na hundulukela sitondoloni, e teka so tala sa kona; kambe mthangeli wokari a na heta txiruko txakwe, a na tshumeta txiruko txitimwi kwakwe.

Genesisi 9:19

Ava vavararu, ngu vona vanana va Nowa, se kukhukhela kwawe kuhumile vathu va va nga aka ka otshe mafu.

Genesisi 10:32

Ngu yiya mimwaya ya vanana va Nowa, ngu tiveleko tawe ni mifumo yawe; se yi khukhete ka vava yotshe mifumo yi yi nga hangalaka ha mafuni, msana ka ndambi.

Dhewuteronome 32:8

Mbimo yi Nyatxitimwi a nga txi abanisela tithomba ka matiko, mbimo yi a nga hangalasela vanana va Adhamu, ene a vekile mihingano hagari ka vathu vakwe, madingano ni mtengo wa vanana va Txizimu.

Esteri 10:1

Msana ka tiya, mfumeli Asuwero a to resisa ditiko ni sitondolo sa lineneni.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.