Genesisi 10:32 - Bhiblia Yo Sawuleka

³² Ngu yiya mimwaya ya vanana va Nowa, ngu tiveleko tawe ni mifumo yawe; se yi khukhete ka vava yotshe mifumo yi yi nga hangalaka ha mafuni, msana ka ndambi.

Genesisi 10:32 Referans Kwoze

Genesisi 9:19

Ava vavararu, ngu vona vanana va Nowa, se kukhukhela kwawe kuhumile vathu va va nga aka ka otshe mafu.

Mithumo 17:26

Na txi txi khukhela ka m'thu mmweyo, txi vangile totshe tixaka ta vathu, kasiku ve eneta otshe mafu, txi va vekela tinyango ti ti nga sawulwa ngu txona ni mihingano ya muwa va fanelako kuzumba kona:

Genesisi 10:1

Atiya koko ndiveleko ta vanana va Nowa, Semi, Kame ni Jafete; ngu ka vona ku velekilwe vanana msana ka ndambi.

Genesisi 10:25

Ngu ka Ebheri ku velekilwe vanana vambidi i ku vava: Wo khata ti ti Faleza, nguko ka mbimo yakwe vathu va hangalakile ni ditiko; mwanawe a ti dhanwa ku i Jokitani.

Genesisi 10:20

Ngu vona vava vanana va Kame, ngu tihunzu tawe, ni tidimi tawe, matiko awe, ni mifumo yawe.

Genesisi 9:7

Anu velekelani mi anda; tatani mafu mi txi hangalaka ka ona.”

Genesisi 9:1

Se Txizimu txi to katekisa Nowa ni vanana vakwe, txi va gela tiya: “Velekani, mi anda mi tata mafu.

Genesisi 10:31

Evo mbanana va Semi, ngu tihunzu tawe ni tidimi tawe, ngu tihunzu ta matiko awe ni mifumo yawe.

Genesisi 11:1

Sekoko kotshe ha mafuni, ku ti ti ni lidimi limwelo, ni mawombawombelo mamwewo.

Genesisi 10:5

Kukhukhela ka vava, ku tumbulukile votshe vathu va va zumbako sitondoloni, na mazumbelo awe ma txi ya ngu tixaka tawe, ni tidimi tawe, ni mafumelo awe.

Jobe 15:19

(i ku vale va nga ti ningela mafuni, kambe ni wammweyo wa hahanze kha nga maneka hagari kwawe):