Genesisi 10:22 - Bhiblia Yo Sawuleka

²² Vanana va Semi ngu vava: Elame, Asuri, Arifaxadhe, Ludhe ni Aramu.

Genesisi 10:22 Referans Kwoze

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Mithumo 2:9

Vaparta, Vamedhi, Vaelamita, vaaki va Mesopotamiya va kuhuma Judheya ni Kapadhokiya, va Ponto ni Aziya,

Jeremiya 25:25

Zimiri, ni votshe vafumeli va Elame, ni votshe vafumeli va Medhiya;

Isaya 22:6

Nguko Elamu a tekile wulaho, ni sikotxikani sa vavamna ni vagadhi va mahantxhi; se Kiri a humisa sitxhavangu.

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Jobe 1:17

A txi ngadi e womba-womba-wuwa, kutile mmwani mtumi, a txi ta khene: Vakaldheya va rumile mitxawa yiraru, yi honyola makamelu yi tsula nawo, yi daya vafana ngu ditxhari; ngani nokha ni nga huluka, kuva ni kutisela mahungu.

2 Vafumeli 15:19

Sekoko ku to humelela Puli, mfumeli wa Asiriya e lwisa ditiko; se Menayemi a to ningela ka Puli 1.000 wa titalenta ta silivhela, kasi ku dianza dakwe di txi mtsanisa, ni kutsanisa mfumo manzani kwakwe.

Mitengo 23:7

Sekoko Bhalahamu a to thula ndando e embelela, a txi khene: “Bhalake a ni dhani na ni di Arani, mfumeli wa Mowabhi, ngu mimangoni ka wutxani, a txi khene: Hi nga ruketela Jakobe! Ngono u ta henyela Israyeli.”

Genesisi 9:26

Se Nowa a to womba kambe, a txi khene: “A na dhumiswe Mkoma Txizimu txa Semi, Kanana a na mahe khumbi yakwe.

Luka 3:36

mwana Kayinana, mwana Arifaxadhe, mwana Semi, mwana Nowa, mwana Lameki,

Genesisi 10:21

Se ngu ka Semi, ku to velekwa vanana, ngene tate wa votshe Vahebheru, kambe ene mkomwa Jafete.

Genesisi 11:10

Ngu tiya tiveleko ta Seme: Mbimo yi Semi a ngadi ni tanga ya dizana; da malembe, a to veleka Arifaxadhe, ma di pindile malembe mambidi msana ka ndambi.

Mitengo 24:22

Hambi keto, Mkeni a na hasamulwa, kala Asuri, e kuyisa kule, u di khumbi.

Ezekhiyele 32:24

Koneyo waho Elame ni dotshe dibutho dakwe, di nga randela diyiva dakwe; votshe va to dayelwa, va txi wiswa ngu ditxhari; va relete hahatshi ngutu ka mafu; va wusile kuthava ha mafuni ka vo hanya, ve rwala tingana tawe kumweko ni vale va nga relela diphalani.

Dhaniyeli 8:2

Se ni to wona ka txiwoniso, (ni wona ku txi manheka, ti to ani ni ti didhoropani ka Xuxani, ditikoni ka Elame), ni to wona koko ka txiwoniso, ti to ni ti hafuhi ni mnambo wa Ulayi.