Genesisi 10:2 - Bhiblia Yo Sawuleka

² Vanana va Jafete ngu vava: Gomeri, ni Magoge, ni Madhayi, ni Javhani, ni Tubhali, ni Mexeki, ni Tirasi.

Genesisi 10:2 Referans Kwoze

Ezekhiyele 38:2

Awe mwanana wa m'thu, rendekelisa khohe yako ka Goge, ditiko da Magoge, mkoma ni mthangeli wa Meseki ni Tubhali, se profeta u txi mu wukela.

Ezekhiyele 38:6

Gomeri ni otshe masotxhwa akwe; nyumba ya ka Togarima, ngu didhawa da Wuphemba, ni otshe masotxhwa a kona, u di ni vathu votala.

Mtuletelo 20:8

a na huma kasiku e kanganyisa mifumo ya mune wa madhawa a mafu, Goge ni Magoge, e va tshanganisa kasiku ve lwa yimbi; mtengo wawe wu ti dingana ni kutala ka mafu a linene.

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Ezekhiyele 39:1

Awe koko mwanana wa m'thu, profeta kambe u wukela Goge, u txi khawe: Mkoma Txizimu a khene: Wona taku, ani na kuwukela, awe Goge, mkoma ni mthangeli wa Meseki ni Tubhali.

Ezekhiyele 38:15

U nata koko ngu ka wukhalo wako, ngu didhawa da Wuphemba, awe ni vathu vavangi, motshenu na mi di gadhile mahantxhi, mi di msengeletano wa hombe, ni dibutho da mtengo wa hombe.

Ezekhiyele 27:19

Ni ene Dhani ni Javhani, va ti ti pfhukisa ngu ka makhalo ako; ka wuxavisi wako ku ti ti wulela simbi yo swilitelwa, makamba ni titshava to bhumula.

Ezekhiyele 27:7

M'jiyo wako wo lukwa i ti ti wa disilika da Egipta, kasi ku wu maha ditanga; da mkuxe ni kubhilivila, sitondoloni ka Elisi i ti ti didhamba dako.

Genesisi 10:21

Se ngu ka Semi, ku to velekwa vanana, ngene tate wa votshe Vahebheru, kambe ene mkomwa Jafete.

Genesisi 9:27

Txizimu txi na mkulise Jafete, kambe a na zumbe matendani ka Semi, Kanana a nave khumbi yakwe!”

Genesisi 10:1

Atiya koko ndiveleko ta vanana va Nowa, Semi, Kame ni Jafete; ngu ka vona ku velekilwe vanana msana ka ndambi.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

Masalmo 120:5

Dikhombo dangu ani ni hanyako Meseki, ani ni zumbako ka matenda a Mkedhari!

Ezekhiyele 32:26

Koneyo waho Meseki ni Tubhali, ni dotshe dibutho dakwe; madhawani kwawe ku ni mathitha awe; votshelele makhutu, va nga dayelwa ngu ditxhari, nguko va nga wusa kuthava ha mafuni, ka vo hanya.