Genesisi 10:10 - Bhiblia Yo Sawuleka

¹⁰ Se Namrodhe a txi khata kufuma, a fumile madhoropa a Bhabheli, Ereke, Akadhe, madhoropa awa otshe ma ku ditikoni ka Senari.

Genesisi 10:10 Referans Kwoze

Genesisi 11:9

Ngu mhaka yeto, m'ti wule wu dhanwa ku i Bhabheli, nguko ngu koneyo Mkoma a nga hambanisa kuwombawomba ka vathu va mafu otshe, kambe ku khatete koneyo ku hangalaswa ka vathu ni dotshe ditiko ngu Mkoma.

Genesisi 11:2

Ti di ngeto, vathu va to khukha na va txita ngu wutxani, se ve mana libala ditikoni ka Sinari; ve ti akela ka lona.

Mika 4:10

Pfana kupanda ni kuthuma, awe mwanana wa dihorana wa Siyoni, ku nga wule a ku kuvelekani, nguko konkuwa u na huma ngu didhoropani, se u ya zumba thembweni, kambe u na tsimbila kala Bhabhilona, koneyo koko u na ya txhatxhiswa; Mkoma a na kutirula manzani ka valala vako.

Genesisi 14:1

Ka mbimo ya Amurafeli, mfumeli wa Sinari, ni Ariyoki, mfumeli wa Elasari, ni Kedhorolawomeri, mfumeli wa Elame, ni Tidhali, mfumeli wa Goyimi,

Zakariya 5:11

Se ngelozi yi to ni gela tiya: Vo ya yi akela nyumba ditikoni ka Sinari, aha yi no gwita kuakwa, efa yi na vekwa ka wukhalo wa yona.

Mika 5:6

Evo va na heta ditiko da Asiriya ngu ditxhari, ni ditiko da Nimirodhi, amu ka tinzila tawe ta hombe. Ngu kumaha keto a na hi hulukisa ka Asiriya, mbimo yile va nota ditikoni kwathu, ni mbimo yi va no ndaka mihingano yathu.

Amosi 6:2

Pindani ngu Kalini mi wona, ngu niya, tsulani ka Hamati wa hombe; mi gwita mi relela mi ya Gati ka Vafilista: Mi nava vatxhuko kupinda mifumo yiya kani? Mwendo i nava ya hombe mihingano yakwe kupinda mihingano yanu kani?

Jeremiya 50:21

Kwela u wukela ditiko da Meratayime, khukha u txi di wukela, u lwisa vazumbi va Pekodhe: Xasela ni kukhundumusela sotshe ngu msana kwawe, kuwomba Mkoma, mahisa tona ti ni nga ku rumisa tona.

Isaya 39:1

Ka yona yile mbimo, Merodhake-Bhaladhani, mwana Bhaladhani, mfumeli wa Bhabhilona, a to rumela mapapilo ni txihiwa ka Ezekhiya, nguko a ti ti pfite taku a ti nga lwala, niku se a kalamukile.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Isaya 10:9

Ina Kalino hi nga ku nga Karkemisi kani? Hamati hi nga ku nga Aripadhe kani? Se Samariya, kha fani ni Dhamasku kani?

Dhaniyeli 1:2

Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

Genesisi 10:9

I ti ndena ya mxoti masoni ka Mkoma. Ngu mhaka yeto, kuhumile divingu di diku: “A fana ni Namrodhe, ndena ya mxoti, masoni ka Mkoma.”

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

Jeremiya 50:1

Dipswi di a ngadi womba Mkoma xungetano ngu Bhabhilona, madingano ngu ditiko da Vakaldheya, ngu txisofu txa mprofeti Jeremiya.

Ezekhiyele 27:23

Harani, ni Kane, ni Edheni, i ku vanyamabhindu va Sabha, Asuri ni Kilimadhe, va ti ti xaviselana ni nawe.