Genesisi 1:9 - Bhiblia Yo Sawuleka

⁹ Se Txizimu txi to kha txona: “Ma na sengeletane mati a hahatshi ka nzuma wukhalo wumwewo; kasi ku na maneka mtxhefa wa kuoma.” Se eto ti to maheka.

Genesisi 1:9 Referans Kwoze

2 Pedro 3:5

Kambe vona va maha khakwenye, va txi nga vo ti timelela tito: I kale yi diho nzuma ni mafu, mafu awa ma nga thaviswa ka mati, ma txi vekwa hagari ka mati ngu Dipswi da Txizimu.

Jona 1:9

Se ene a to va gela a txi khene: Ani ni Muhebheru, ni thava Mkoma, Txizimu txa nzumani, awu a nga maha linene ni mafu a kuoma.

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Masalmo 95:5

Linene li lumba ene, nguko ngene a nga li maha; mafu a kuoma ni ona i mthumo wa manza akwe.

Ekleziyaste 1:7

Sotshe sinambwana siya lineneni, hambi keto, linene kha li tali; aha minambo yi khukhelako kona yi tshumela yiya koneho.

Masalmo 33:7

A tshanganisile mati a linene ka wukhalo wumwewo; minambo ni maziva ka makhalo ya kona.

Jobe 26:10

Txi vekile m'hingano txitimwi ka mati ngu madhawani ka kona, ni magwito ka liwoningo ni ka txidema.

Mtuletelo 10:6

Yi txi xambanya ngu wule a hanyako ka kwa mbi na magwito, a nga vanga nzuma ni sotshe siya si ku ka yona; mafu ni sotshe siya si ku ka ona; linene ni sotshe si si ku ka lona, yi txi kha yona: “Kha ku nga ngadi ni mbimo!

Masalmo 104:3

U akile nyumba yako matini txitimwi ka tinzuma. Marefu u ma mahile txikotxikani txako u tsimbila u di txitimwi ka mabhapi a diphuho!

Jobe 26:7

Wuphemba ku gwimbwa ha ndengalengani; txi leketeta mafu aha ko mbi na txilo.

Genesisi 1:8

Se Txizimu txi to raya mpfhuka ditina daku i nzuma; se di to swa, ditxa: Ditshiku da wumbidi.

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.