Genesisi 1:6 - Bhiblia Yo Sawuleka

⁶ Se Txizimu txi to kha txona: “Ku nave ho mpfhuka hagari ka mati, kambe ku nave ho kuhambana ka mati ni mati.”

Genesisi 1:6 Referans Kwoze

Jobe 37:18

Mwendo u gwimbile kumweko natxo nzuma, yo tsana kufana ni txibuko txo nyekiswa kani?

Jeremiya 51:15

Ene a mahile ditiko ni mafu ngu mtamo wakwe, e folisela ditiko ngu wuzivi wakwe, se e nawuluta nzuma ngu mapimo akwe.

Masalmo 33:6

Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Masalmo 104:2

Ene wa ti fenengeta ngu liwoningo nga txyambalo a nawuluta tinzuma kufana ni m'jiyo.

Masalmo 33:9

Nguko a to womba, se sotshe si maheka; a to ruma, se sotshe si humelela.

Masalmo 148:4

Mu dhumiseni, anu tinzuma ta tinzuma. M'dhumiseni, anu mati a txitimwi ka tinzuma!

Zakariya 12:1

Mhaka ya dipswi da Mkoma txitimwi ka Israyeli. Mkoma wu a nawulutako nzuma, a vangako makhato a mafu, a thelako moya mndani ka m'thu, a womba tiya:

Masalmo 19:1

Nzuma yi nuwela wudhumo wa Txizimu, ani mpfhuka wu zivisa mithumo ya manza a txona.

Genesisi 1:20

Se Txizimu txi to kha txona: “Matini ku na maneke sivangwa sasingi so hanya; se ka mpfhuka wa nzuma ku na purumapurume sinyana.”

Jobe 26:13

Ngu Moya wa txona, txi tshurisete nzuma; ngu manza a txona, txi mahile mnyoka wo tsimbila ngu dibindi.

Masalmo 150:1

Dhumisani Mkoma! Dhumisani Mkoma nyumbani kwakwe ko sawuleka; m'dhumiseni ndengalengani kwakwe ka mtamo!

Jobe 37:11

Kambe Txizimu txa humisa marefu o dhimba, se txi hangalasa direfu ngu kukeluka ka txona.

Ekleziyaste 11:3

Ngako marefu ma di ngadi tate ngu mati, ma na ma tshakunuta ha mafuni, ni kungako mndonga wu txi wela didhawa da wuphemba mwendo da wulambwe, ka wukhalo wule mndonga wu no wela kona, wu na zumba kona eho.

Genesisi 1:14

Se Txizimu txi to kha txona: “Ku nave ho siwoningo ha mpfhukani ka nzuma, kasi kuhambanisa hagari ka mitshikari ni wusiku; si txi maha sikombiso sa timbimo to kari, ta masiku, ni malembe.”

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

2 Pedro 3:5

Kambe vona va maha khakwenye, va txi nga vo ti timelela tito: I kale yi diho nzuma ni mafu, mafu awa ma nga thaviswa ka mati, ma txi vekwa hagari ka mati ngu Dipswi da Txizimu.

Isaya 40:22

Ngene wule a nga khalahatsha txitimwi ka txiwumbulutwa txa mafu, awule kwakwe, ava va zumbako ha mafuni va fanako ni tihumbi; ngene a nawulutako nzuma yi txi nga m'jiyo, e yi gwimba ku nga ditenda, kasi kuve zumba ka dona;

Masalmo 19:2

Ditshiku di womba-womba ngu wudhumo wa txona ka dimwani ditshiku, ani wusiku wu xawutela tona eto ka wumwani wusiku.