Genesisi 1:31 - Bhiblia Yo Sawuleka

³¹ Se Txizimu txi to wona totshe ti txi ngadi ti mahile, txi mana taku ndinene ngutu; se di to swa, ditxa: Ditshiku da wutxhanu ni dimwedo.

Genesisi 1:31 Referans Kwoze

1 Timoti 4:4

Nguko sotshe si Txizimu txi nga si va nga nza sinene; kuwalo txi txi fanelako kunyenywa, ngako hi txi txi amukela ngu kubonga.

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Masalmo 104:31

Wudhumo wa Mkoma kha wu nga ni magwito! Mkoma a na tsake ngu sile a nga si va nga!

Sidilo 3:38

Ina hi nga ngu txisofuni ka Nyatxitimwi kuhumako wubihi ni wunene kani?

Jobe 38:7

mbimo yile tinyeleti ta wuronga ti nga patana ti embelela, na votshe vanana va Txizimu va txi tsaka ngutu kani?

Genesisi 2:2

Se Txizimu txi di gwitile ngu ditshiku da wutxhanu ni mambidi kumaha wotshe mthumo wu txi nga wu maha, txi to humula, ka ditshiku dile da wutxhanu ni mambidi, ka yotshe mithumo yi txi nga yi maha.

Genesisi 1:23

Se di to swa, ditxa: Ditshiku da wutxhanu.

Genesisi 1:8

Se Txizimu txi to raya mpfhuka ditina daku i nzuma; se di to swa, ditxa: Ditshiku da wumbidi.

Genesisi 1:5

Se Txizimu txi to raya kuwonekela ditina daku Mitshikari; ani txidema txi to txi raya ditina daku Wusiku. Se di to swa, ditxa: Ditshiku do khata.

Genesisi 1:19

Se di to swa, ditxa: Ditshiku da wumune.

Genesisi 1:13

Se di to swa, ditxa: Ditshiku da wuraru.

1 Timoti 4:5

Ngu konaho ka mkombelo ni dipswi da Txizimu, sotshe si sawulekisilwe.

Eksodha 31:17

Txi nava txikombiso txa kwa mbi guma, hagari kwangu ni vanana va ka Israyeli, nguko njikombiso txa kala kupinduka, mbufakazi awu wu kombako ati to Mkoma a mahile nzuma ni mafu amu ka mtxhanu wa masiku ni dimwedo, ni ti to amu ka ditshiku da wutxhanu ni mambidi a gwitile kumaha mthumo wotshe e humula.

Masalmo 104:28

Ngawe u si ningako sakudya, asi sona si rolelako; wa nawuluta dianza dako, se sona si khura ngu si i ku sa sinene.

Masalmo 119:68

Awe u wamnene kambe u mkatekisi; ni gondise sileleto sako.

Mavingu 16:4

Sotshe si a nga si maha Mkoma asi emisete mithumo ya sona, hambi ni muonhi a mahetwe ditshiku do biha.

Ekleziyaste 3:11

Txi mahile sotshe si di tshurile ngutu, ngu mbimo ya sona; kambe txi vekile timbiluni kwawe kualakanya ka yotshe mbimo; hambi keto, kha ku na m'thu wule a zivako mthumo wu Txizimu txi nga wu maha, kukhukhela makhatoni, kala magwito.

Genesisi 2:3

Se Txizimu txi katekisile ditshiku da wutxhanu ni mambidi, txi txi di sawulekisa, nguko ka dona, Txizimu txi humute ka yotshe mithumo yi txi nga yi vanga, ni ku yi maha.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.