Genesisi 1:3 - Bhiblia Yo Sawuleka

³ Se Txizimu txi to kha txona: “Ku nave ho kuwonekela.” Se kuwonekela ku to vaho.

Genesisi 1:3 Referans Kwoze

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Johani 1:5

Liwoningo liya li woningile txidemani, kambe txidema kha txa li xula.

Isaya 45:7

Ani na maha kuwonekela ni va nga txidema; ani na vanga kudikha, ni va nga dikhombo; ani Mkoma, na maha totshe tiya.

Isaya 60:19

Kha di na mbiswa di kuthumela ditambo kasi ku kuwoninga, hambi kuwoningwa ngu mtxima; aniko Mkoma a na va liwoningo lako la kwa mbi guma, ni Txizimu txako mbudhumo wako.

1 Johani 1:5

Aawa ngu ona mahungu awa hi nga ma engisa kwakwe hi mi zivisako: Txizimu Liwoningo, ka txona kuwalo txidema ni ka kudotho.

Vaefesu 5:8

Kale mi ti hanyela mtemani, aniko mi hindukile mi maha liwoningo ngu ka Mkoma. Tsimbilani kha kwati, nga ti mi ku vanana va liwoningo.

Johani 1:9

Dipswi i ti liwoningo la ditshuri, aliya li woningako votshe vathu, li txi ta ha mafuni.

Johani 3:19

Txigelo txa kuabaniswa ngu txiya: Kuwonekela kutile ha mafuni, aniko vathu va randile ngutu txidema kupinda kuwonekela, nguko mithumo yawe i ti yo biha.

Masalmo 33:6

Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Masalmo 148:5

Motshenu dhumisani ditina da Mkoma, nguko ene a to veka mthetho, se ku txi tumbunuka sotshe sivangwa.

Masalmo 97:11

Kuwonekela kuwoninga vathu vavanene, ni litsako li rinzela ava va timbilu to lulama.

Masalmo 33:9

Nguko a to womba, se sotshe si maheka; a to ruma, se sotshe si humelela.

1 Johani 2:8

Kambe njirumo txa txiphya ni mi bhalelako txona, atxiya kwakwe Kristu ni kwanu i ku txa ditshuri, nguko txidema txa pinda, se liwoningo la ditshuri la woninga.

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Masalmo 104:2

Ene wa ti fenengeta ngu liwoningo nga txyambalo a nawuluta tinzuma kufana ni m'jiyo.

Jobe 38:19

Yi hani nzila ya mu litako ngu kona liwoningo kani? Se txidema, wu hani wukhalo wa txona,

1 Timoti 6:16

awu i ku ekha wa wutomi wo mbi guma, a zumbako kuwonekelani ko mbi manelwa, awu a nga mbi wonwa, kambe asi sikotiko kuwonwa ngu m'thu ni wammweyo; kwakwe ku nave ni txithavo ni wukoma wo mbi guma. Amen!

Masalmo 118:27

Mkoma ngene i ku Txizimu, ene ngene a hi woningako! Khatani kumaha mibuso, mi txi longoloka mi di ñote matshanzu, kala kuhoka txiluveloni.

Jobe 36:30

Txizimu txa nawuluta txitimwi ka marefu liwoningo la txona, kambe txa fenengeta txitimwi ka linene.

Johani 11:43

A di wombile tiya, a to kwangula ngu dipswi da hombe, a txi khene: “Lazaro, huma hahanze!”

Matewu 8:3

Sekoko Jesu a to nawuluta dianza dakwe a txi mu gwesa, a txi khene: “Na ti lava, basiswa awe.” Kunukunuko a to basiswa ka tshekela yakwe.

Genesisi 2:4

Aawa ngu ona makhato a nzuma ni mafu, mbimo yi Txizimu, txi nga si vanga; ka ditshiku dile Mkoma Txizimu a nga vanga nzuma ni mafu,