Genesisi 1:29 - Bhiblia Yo Sawuleka

²⁹ Se Txizimu txi to kha txona: “Ni mi ningile wotshe mwasi wu wu ningako mbewu, wu kuho txitimwi ka otshe mafu, ni yotshe mindonga ya mihando yi yi ningako mbewu; si na va i di sakudya sanu.

Genesisi 1:29 Referans Kwoze

Genesisi 9:3

Sotshe si si tsimbilatsimbilako, si ku ni wutomi, si na va i di sakudya sanu, sotsheso na mi ninga, kufana ni ku ni nga mi ninga sotshe similwa si si hanyako.

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Mithumo 17:28

nguko ka txona ha hanya, ha tsimbila-tsimbila, hiho: Nga kuwa vamwani vabhali vanu va nga womba, va txi kha vona: ‘Nanathu hi va liveleko la Txizimu.’

Mithumo 14:17

hambi keto, kha txa leka kufakaza ti to txona txa ho, ngu ku mahela ta tinene vathu, txi wisa mati a nzuma, ni ku mi ninga tinyango to pfuna, txi khurisa timbilu tanu ngu sakudya ni litsako.”

Masalmo 147:9

a ningako ka sihari sakudya sa sona ni ka mavhondo a magwana, mbimo yi ma dilako.

Masalmo 136:25

A ningako sakudya ka votshe vathu; nguko lirando lakwe nda kala kupinduka!

Matewu 6:11

Hi he nyamsi sakudya sathu sa ditshiku ni ditshiku.

Jobe 36:31

Nguko txi lamula vathu ngu sona, kambe txa va ninga sakudya so tala.

Genesisi 2:16

Se Mkoma Txizimu a to vekela m'thu awuwa mthetho: “U nga sikota kudya mihando ya yotshe mindonga ya thembweni u di txhatxhekile,

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Hoseya 2:8

Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

Isaya 33:16

Awuwa a na zumba txitimwi; mikhokhola ya marigwi yi na maha wuthavelo wakwe wo guleka, a na ningwa dipawu dakwe, ni mati akwe ma na maneka.

Masalmo 146:7

a lamulako ngu kululama ava va tsindavetwako; a ningako dipawu ka vale va ku ni nzala.

Masalmo 115:16

Nzuma yi lumba Mkoma, aniko mafu a ma ningete ka vanana va vathu.

Masalmo 111:5

wa ninga sakudya ka vale va mthavako; wa alakanya txitumelelano txakwe yotshe mbimo!

1 Timoti 4:3

Vona va na tsimbisa kutekana; va na tsimbisa kudya sakudya sokari na kasi Txizimu ngu txona txi nga si va nga kufela ku si txi amukelwa ngu kubonga ngu va va kholwako ni kuziva ditshuri.

Genesisi 6:21

Se awe u na tshanganisa totshe tixaka ta sakudya u txi si veketa; kasi si na va sakudya sako ni sa sivangwa.”